«Cikava, kali hety soram spynicca». Na «Sałaŭjoŭ Live» raźnieśli «Hazpram» za Kańje Uesta i «staroha piedafiła» — baćku Iłana Maska
Prapahandyst i viadučy kanała «Sałaŭjoŭ Live» Siarhiej Mardan niečakana prajšoŭsia pa «Hazpram-miedyja» za arhanizacyju kancerta repiera Kańje Uesta na «Hazpram-Arenie» ŭ Sankt-Pieciarburhu.
Mardan zajaviŭ, što nie ździŭleny ŭdziełam chołdynhu ŭ pryjeździe skandalnaha repiera, dadaŭšy, što «Hazprom-miedyja» «20 hadoŭ utrymlivaŭ «Echo Moskvy», «zamiežnaha ahienta Vieniedyktava i zhraju niahodnikaŭ», piša kanał «Ostorožno, novosti».
Prapahandyst nazvaŭ zaprošanaha repiera «sapsavanaj zorkaju», viadomaj tolki skandałami, narkotykami i simpatyjami da Hitlera.
«Ciapier Kańje Uest. Heta dla čaho? Heta što? Ja razumieju, što jany kažuć: nam udałosia prabicca, pryvieźci zorku. Ale zorka sapsavanaja, kaho heta chvaluje? Mnie cikava, kali hety soram spynicca?» — skazaŭ Mardan.
Jon dadaŭ, što 80% karystalnikaŭ uvohule nie viedajuć Kańje Uesta. A toj znakamity «akramia narkotykaŭ» tolki pierformansam «Ja lublu Hitlera», «Ja fašyst» i fota ŭ futbołcy sa svastykaj.
Mardan taksama aburyŭsia, što ŭ Rasiju raniej zaprašali bratoŭ Tejt i baćku Iłana Maska, marnujučy na ich hrošy. «I tut kantrakt adpracoŭvajuć. Budziem jašče 3—4 dni kazać pra Kańje Uesta, a potym apyniecca, što jon nie pryjedzie», — miarkuje jon.
«Mnie cikava, kali heta spynicca? Bratoŭ Tejt, hetych paskudnych, pryvieźli na PMEF… Hety stary piedafił, jaki nazyvaje siabie baćkam Iłana Maska… Heta ž chtości robić, chtości marnuje na heta babki», — skazaŭ Mardan.
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?9
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary
Obiazatielno soobŝajtie, čto tam jeŝie proischodit v sumasšiedšiem domie na bołotach
Ja časam dumaju, što "nie pišycie pra Rasieju" kažuć:
- abo "ružovyja poni" z ujaŭleńniem "kali nie kazać pra voraha, jon niejak sam źniknie";
- abo sami rasiejcy-boty, ale tolki pra kryndž, jaki vystaŭlaje ruski śviet durnym abo supiarečlivym.