Ad karavaja ŭ Rasii da kajdankoŭ u Majami: za seksualny hvałt aryštavanyja skandalnyja braty Tejt
Viadomyja błohiery Endru i Trystan Tejt, jakija jašče miesiac tamu byli hanarovymi haściami ŭ Rasii, aryštavanyja ŭ amierykanskim Majami. Aryšt adbyŭsia pa zapycie Łondana ŭ miežach kryminalnaj spravy ab seksualnych złačynstvach i handli ludźmi.
Brytanski bok zapytaŭ u ZŠA ekstradycyju bratoŭ. Novaja sprava hruntujecca na zajavach siami paciarpiełych i ŭklučaje ceły šerah ciažkich artykułaŭ.
Tak, 39‑hadovamu Endru Tejtu vysunuty abvinavačańni ŭ zhvałtavańni, handli ludźmi, naniasieńni paškodžańniaŭ i raspaŭsiudzie parnahrafii z udziełam niepaŭnaletnich. Jaho małodšamu bratu Trystanu inkryminujuć zhvałtavańni i handal ludźmi z metaj seksualnaj ekspłuatacyi.
Akramia Vialikabrytanii, da bratoŭ Tejt majuć surjoznyja pretenzii pravaachoŭniki jašče dźviuch krain. U Rumynii z 2022 hoda razhortvajecca asnoŭny sudovy praces. Bratoŭ abvinavačvajuć u stvareńni złačynnaj hrupoŭki dla handlu ludźmi i seksualnaj ekspłuatacyi žančyn.
U 2025 hodzie hienieralny prakuror štata Fłaryda taksama pačaŭ rasśledavańnie suprać błohieraŭ paśla zvarotu adnoj z achviar.
Aryšt u ZŠA adbyŭsia na fonie niadaŭniaha hučnaha vizitu bratoŭ Tejt u Rasiju ŭ červieni. Tady błohiery stali adnymi z samych prykmietnych haściej Pieciarburhskaha mižnarodnaha ekanamičnaha forumu.
U rasijskim aeraporcie skandalnych influensieraŭ sustrakali z karavajem, narodnymi tancami i pieśniaj «Matuška».
Padčas turne Endru Tejt paśpieŭ pastralać z tanka pad «Kaciušu» na palihonie.
Niezaležnyja analityki adznačajuć, što zaprašeńnie takich fihur na bujnyja dziaržaŭnyja mierapryjemstvy całkam układvajecca ŭ stratehiju Maskvy pa pašyreńni svajho infarmacyjnaha ŭpłyvu. Kreml užo nie pieršy hod sprabuje ŭzmacnić svaju miakkuju siłu na Zachadzie praz pracu z łajalnymi zamiežnymi błohierami, aktyvistami, hatovymi tranślavać patrebnyja naratyvy ŭ abmien na kantent i finansavańnie.
Endru Tejt — były prafiesijny kikbaksior, jaki zarabiŭ miljonnuju aŭdytoryju na rolikach pra bahataje žyćcio, darahija aŭto i «mužčynski pośpiech». Jon viadomy ahresiŭnymi, seksisckimi i mizahinnymi vykazvańniami.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary