Na Bali šviejcarski turyst naplavaŭ na miascovyja tradycyi. Nastupny hod jon praviadzie ŭ turmie
Sud na indaniezijskim vostravie Bali prysudziŭ 26‑hadovaha hramadzianina Šviejcaryi Łuzijana Andryna Chrahiena da hoda pazbaŭleńnia voli za abraźlivyja publikacyi pra śviatoje dla miascovych induistaŭ śviata — Dzień cišyni, viadomy jak Ńjepi, piša Associated Press.
Sud u Denpasary pryznaŭ mužčynu vinavatym u parušeńni novaha Kryminalnaha kodeksa Indaniezii. Pa materyjałach śledstva, turyst apublikavaŭ u sacyjalnych sietkach videa i paviedamleńni pra toje, jak jon parušaŭ abmiežavańni padčas Ńjepi, choć supracoŭniki viły zahadzia papiaredzili jaho pra praviły.
Padčas Ńjepi žychary i hości Bali pavinny zastavacca ŭ svaich damach abo miescach pražyvańnia, zachoŭvać cišyniu i zajmacca miedytacyjaj. Na hety dzień zakryvajucca vulicy i plažy, spyniaje pracu aeraport, a dostup da internetu abmiažoŭvajecca. Praviły dziejničajuć dla ŭsich niezaležna ad relihii i hramadzianstva.
U svaich publikacyjach Chrahien pachvaliŭsia, što nie prytrymlivaŭsia zabaronaŭ i chadziŭ na plaž. Na adnym ź videa jon nazvaŭ miascovuju tradycyju «varjackaj» i vykarystaŭ niecenzurny vyraz.
Publikacyi šyroka razyšlisia ŭ sacyjalnych sietkach i vyklikali abureńnie miascovych žycharoŭ. Paśla skarhaŭ palicyja znajšła turysta na vile ŭ papularnym turystyčnym rajonie Lehijan i zatrymała jaho.
Padčas suda, jaki pačaŭsia ŭ červieni, šviejcarac zajaviŭ, što nie mieŭ namieru abrazić induisckaje śviata abo žycharoŭ Bali. Pavodle jaho słoŭ, jon byŭ hałodny i rasčaravany tym, što praz abmiežavańni nie moh nabyć ježu, a taksama nie da kanca razumieŭ maštab zabaronaŭ. Mužčyna paprasiŭ prabačeńnia i zajaviŭ, što škaduje pra svoj učynak.
Sudździa adznačyŭ, što dziejańni abvinavačanaha abrazili žycharoŭ Bali, zakranuli ich relihijnyja pačućci i vyklikali hramadskaje abureńnie.
Raniej zamiežnych i miascovych turystaŭ užo zatrymlivali za vychad na vulicu padčas Ńjepi, ale zvyčajna takija vypadki nie zakančvalisia kryminalnym pieraśledam.
Biełarusy ciapier mohuć jeździć na Bali bieź vizaŭ
Biełarusa zatrymali na Bali z narkotykami: jamu pahražaje pažyćciovaje źniavoleńnie
Na Bali vykrali i zabili syna ŭkrainskaha kryminalnaha biznesmiena. Za jaho žyćcio patrabavali $10 miljonaŭ
Na Bali turystam zabaranili katacca na słanach
Na Bali zabaranili pazašlubny seks. Za parušeńnie — turemnyja terminy
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks27
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki1919
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki19
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
Potom jeŝie možno budiet knižku o zaklučienii napisať i po raźličnym tokšou chodiť, dienieh zarabotať