Pahadnieńnie pamiž Biełaruśsiu i Indaniezijaj ab biaźvizavych pajezdkach aficyjna nabyło moc. Adpaviednaje rašeńnie zamacavana dakumientam Ministerstva imihracyi i papraŭčych ustanoŭ Indaniezii, paviedamlaje ahienctva «Minsk-Naviny».
Razam z hramadzianami Biełarusi mahčymaść biaźvizavaha ŭjezdu ŭ Indanieziju taksama atrymali hramadzianie Brazilii, Kazachstana, Makaa, Pieru i Turcyi.
Damoŭlenaść ab uviadzieńni biaźvizavaha režymu, jak paviedamlajecca, była dasiahnutaja padčas sustrečy Alaksandra Łukašenki z prezidentam Indaniezii Prabova Subijanta. Tady biełaruski bok taksama paviedamiŭ pra adkryćcio pasolstva Indaniezii ŭ Biełarusi i zapusk pramych avijarejsaŭ pamiž dźviuma krainami.
Indaniezija — adna z najbujniejšych astraŭnych dziaržaŭ śvietu. Jana składajecca bolš čym z 17 tysiač astravoŭ, značnaja častka jakich niezasielenaja. Nasielnictva krainy pieravyšaje 280 miljonaŭ čałaviek. Bolšaść žycharoŭ vyznaje isłam, adnak u krainie taksama zachavalisia mocnyja budysckija tradycyi.
Siarod najbolš viadomych histaryčnych pomnikaŭ — budyscki chram Barabudur, uźviedzieny ŭ VIII—IX stahodździach na vostravie Java. Tam ža znachodzicca i chramavy kompleks Prambanan IX stahodździa, pryśviečany induisckim baham Šyvu, Višnu i Brachmu. Častka hetaha kompleksu była adnoŭlena paśla ziemlatrusaŭ i vyviaržeńniaŭ vułkanaŭ.
U stalicy krainy, Džakarcie, turysty mohuć naviedać miačeć Istyklal — adnu z najbujniejšych u Paŭdniova-Uschodniaj Azii, kitajski kvartał, a taksama muziei z kalekcyjami staražytnych artefaktaŭ.
Asablivaj papularnaściu karystajecca vostraŭ Bali, jaki ličycca adnym z samych viadomych kurortaŭ śvietu. Dla amataraŭ dajvinhu i snorklinhu adnym z najlepšych miescaŭ ličycca archipiełah Radža-Ampat, viadomy svaim bahatym padvodnym śvietam.
Pry płanavańni pajezdki ŭ Indanieziju rekamiendujecca ŭličvać siezon, transpartnuju dastupnaść asobnych astravoŭ i ŭłasnyja turystyčnyja intaresy.
Łukašenka pravioŭ pieramovy z prezidentam Indaniezii
Uładzimir Karanik u Indaniezii papaziravaŭ u znakamitaj miascovaj kašuli FOTAFAKT
Biełarusa zatrymali na Bali z narkotykami: jamu pahražaje pažyćciovaje źniavoleńnie
«Čytała, što vašy chłopcy — supiermieny». Biełarus palacieŭ u Indanieziju i tam paznajomiŭsia z žonkaj
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny20
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
Biezhroš mahčyma??