Kaviarnia zapatrabavała 10 rubloŭ tolki za ŭvachod. Ci zakonna heta?
Niekatoryja biełaruskija kaviarni i restarany patrabujuć ad naviedvalnikaŭ asobnuju płatu za ŭvachod, a časam jašče i za braniravańnie stolika. Adnak, jak tłumačyć «Minskaj praŭdzie» advakatka Minskaj haradskoj kalehii advakataŭ Darja Chatkievič, takija patrabavańni nie zaŭsiody adpaviadajuć zakanadaŭstvu.
U redakcyju źviarnułasia biełaruska, jakaja raskazała, što ŭ adnoj z kaviarniaŭ ź jaje i dziaciej uziali płatu za ŭvachod. Pavodle jaje słoŭ, u čeku asobnym radkom było paznačana: «Uvachod — 10 rubloŭ».
Advakatka patłumačyła, što dziejnaść kaviarniaŭ, baraŭ i restaranaŭ u Biełarusi hruntujecca na publičnaj damovie. Heta aznačaje, što pry najaŭnaści mahčymaści absłužyć naviedvalnika ŭstanova nie maje prava admović jamu ŭ absłuhoŭvańni. Umovy i ceny pavinny być adnolkavymi dla ŭsich spažyŭcoŭ, za vyklučeńniem praduhledžanych zakonam ilhot dla asobnych katehoryj.
Tamu patrabavańnie zapłacić za sam fakt uvachodu ŭ kaviarniu jak umovu dla taho, kab naviedvalnik moh atrymać pasłuhi hramadskaha charčavańnia, parušaje pryncypy publičnaj damovy i zakanadaŭstva ab abaronie pravoŭ spažyŭcoŭ.
Akramia taho, u Biełarusi zabaroniena abumoŭlivać nabyćcio adnych pasłuh abaviazkovym nabyćciom inšych tavaraŭ abo pasłuh. Vykanaŭca taksama nie maje prava biez zhody spažyŭca akazvać dadatkovyja płatnyja pasłuhi. Kali takaja pasłuha ŭžo była apłačanaja, spažyviec moža patrabavać viartańnia hrošaj.
Tamu biez papiaredniaj zhody klijenta niezakonnymi mohuć być asobnyja patrabavańni ab apłacie za «ŭvachod», «absłuhoŭvańnie», «stolik» abo servisny zbor. Naviedvalnik pavinien apłačvać zamoŭlenyja im stravy i napoi.
Pry hetym płata za ŭvachod moža być zakonnaj, kali čałaviek płacić nie za mahčymaść pajeści va ŭstanovie, a za ŭdzieł u asobnym mierapryjemstvie. Naprykład, uvachodny bilet moža pradavacca na kancert, šou-prahramu abo vystupleńnie.
Asobna jurystka raskazała pra minimalny zakaz i depazit pry braniravańni stolika. Patrabavańnie abaviazkova «najeści» na peŭnuju sumu moža abmiažoŭvać prava spažyŭca na svabodny vybar pasłuh.
Depazit pry braniravańni mahčymy, kali klijent dobraachvotna zhadziŭsia na jaho i hetaja suma ŭ dalejšym zaličvajecca ŭ košt zamovy. Adnak brać hrošy vyklučna za sam fakt braniravańnia stolika nielha.
Što da čajavych, to jany pavinny zastavacca dobraachvotnymi. Uklučać ich u rachunak biez zhody klijenta nielha.
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary
________________________________________
A mo tut jak u aniekdocie: a heta što ŭ vas tut u čeku asobnym radkom paznačana: «Prakanała — 10 rubloŭ»? A, prabačcie, Nieprakanała, vykreślivajem.
[Zredahavana]