Armianski pasoł nie vierniecca ŭ Minsk, pakul Łukašenka nie paprosić prabačeńnia
Śpikier Nacyjanalnaha schodu Armienii Rubien Rubinian zajaviŭ, što kansultacyi armianskaha pasła ŭ Biełarusi ŭ Jerevanie buduć praciahvacca da taho času, pakul Biełaruś nie daść Armienii tłumačeńni abo nie pryniasie prabačeńni za vykazvańni Alaksandra Łukašenki pra vajnu ŭ Nahornym Karabachu.
Rubinian uźniaŭ hetaje pytańnie paśla taho, jak deputat apazicyjnaj frakcyi «Mocnaja Armienija» Edhar Hazaran spytaŭ namieśnika ministra ŭnutranych spraŭ Armiena Hazarana, kolki buduć praciahvacca kansultacyi armianskaha pasła ŭ Biełarusi.
Śpikier parłamienta zajaviŭ, što jaho ździviła takaja pastanoŭka pytańnia z boku apazicyjnaha deputata. Rubinian nahadaŭ, što pasoł Armienii ŭ Biełarusi byŭ adklikany ŭ Jerevan dla kansultacyj u 2024 hodzie paśla publičnych zajaŭ Łukašenki pra vajnu.
«Viedajecie, čamu pasła Armienii ŭ Biełarusi adklikali dla kansultacyj? Heta adbyłosia paśla taho, jak prezident Biełarusi publična zajaviŭ, što jany razam z Azierbajdžanam płanavali 44‑dzionnuju vajnu. Biełaruś — kraina, jakaja ŭvachodzić u ADKB, heta značyć u toj ža abarončy sajuz, što i my», — skazaŭ Rubinian.
Pavodle jaho słoŭ, adklikańnie pasła stała reakcyjaj Armienii na hetyja słovy Łukašenki.
«U adkaz na heta pasoł Armienii ŭ Biełarusi byŭ adklikany dla kansultacyj. I tak, hetyja kansultacyi buduć praciahvacca da taho času, pakul my nie pačujem tłumačeńni abo prabačeńni», — padkreśliŭ śpikier armianskaha parłamienta.
13 červienia 2024 hoda Armienija adklikała ŭ Jerevan dla kansultacyj svajho pasła ŭ Biełarusi Raźmika Chumarana. U toj ža dzień premjer-ministr Armienii Nikoł Pašynian zajaviŭ u parłamiencie, što ni adzin aficyjny pradstaŭnik Armienii nie budzie naviedvać Biełaruś, pakul jaje prezidentam zastajecca Alaksandr Łukašenka.
Pierad hetym, 16 maja 2024 hoda, padčas vizitu ŭ Azierbajdžan Łukašenka sustreŭsia ź Ilchamam Alijevym i zhadaŭ ich razmovu napiaredadni vajny ŭ Nahornym Karabachu 2020 hoda. Pavodle jaho słoŭ, jany tady abmiarkoŭvali mahčymaść vajny i pryjšli da vysnovy, što jaje možna vyjhrać.
Pašynian iranična pryhadaŭ Łukašenku słovy pra «niepatrebnych armian»
Biełaruski biznes-partnior Hahika Carukiana źbirajecca padać inviestycyjny pazoŭ suprać Armienii
Pašynian: Vyrašym i vyjdziem z ADKB. My nie dazvolim, kab Łukašenka znoŭ staŭ našym harantam
Łukašenka zaklikaŭ Armieniju być akuratnaj. «Kab nie paŭtaryć toje, što adbyłosia va Ukrainie»
«Armienija — heta ŭžo nie abrabavanaja vami i vašymi partniorami kraina». Pašynian rašuča adkazaŭ Łukašenku
Kamientary
Armianie to śliliś v Karabachie.
Dalšie budiet koridor v Nachičievań i turki jatahany točat.