Zakinutyja siadziby i kaścioły Biełarusi stanuć łakacyjami dla novaj videahulni
Jak paviedamlaje hulniavy partał iXBT Games, ajčynnaja studyja Qualestory Games anansavała prajekt SHLYAKH — atmaśfiernaje padarožža pa znakavych miaścinach krainy ź nievialikimi elemientami choraru. Jašče niadaŭna aŭtary sprabavali stvaryć maštabny histaryčny błokbastar pra siaredniaviečny Turaŭ, ale vyrašyli pieraklučycca na farmat kampaktnaha roŭd-trypu, piša Domovita.by.
Zamiest biaskoncaha daŭhabudu
Paru hadoŭ tamu heta ž kamanda raspracoŭščykaŭ užo sprabavała stvaryć ambitny prajekt Tales of Meadows. Pa zadumcy heta byŭ histaryčny ekšan pra padziei va Uschodniaj Jeŭropie XIII stahodździa.
Hałoŭny hieroj Pilip razam sa svaim nastaŭnikam Pieraśvietam pavinien byŭ viarnucca ŭ Turaŭ i pastupić na słužbu da kniazia, ale zamiest kvitniejučaha kraju zastaŭ zaniapad, strach i pahanskija abrady ŭ huščarach.
Zadumka vyhladała pryhoža, adnak da relizu sprava tak i nie dajšła. U vieraśni raspracoŭščyki paviedamili, što stvareńnie histaryčnaj epapiei biez bujnoha inviestara pahražaje zaciahnucca jašče hadoŭ na piać. Tamu kamanda vyrašyła zrabić vybar na karyść raspracoŭki nievialikaha prajekta, jaki realna vypuścić u ahladnaj pierśpiektyvie.
Pajezdka pa starych kaściołach i zabytych siadzibach
Tak na śviet źjaviłasia ideja hulni SHLYAKH. Pa svajoj sutnaści heta kłasičnyja darožnyja pryhody — pajezdki pa karcie i pastupovaje pahružeńnie ŭ navakolnaje asiarodździe. U jakaści asnoŭnych hulniavych łakacyj aŭtary abrali mienavita zakinutyja siadziby i kaścioły Biełarusi, mnohija ź jakich u realnaści cicha dažyvajuć svoj viek u poŭnym zaniapadzie.
Kab pajezdka nie nahadvała nudnuju ekskursiju, raspracoŭščyki dadaduć u apovied elemienty choraru.
Prajekt užo atrymaŭ aficyjnuju staronku na placoŭcy Steam. Dakładnuju datu vychadu hulni raspracoŭščyki pakul nie nazyvajuć.
«Hulajcie ŭ videahulni abo budziecie tupymi!» Što za daśledavańnie pracy mozhu tak uschvalavała Iłana Maska
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf
35 maładych biełarusaŭ i biełarusak, za jakimi varta sačyć: apublikavany pieršy śpis Next 35
Viartańnie Kašča, admiena rusałak, naŭje z Połacka, kopša i viehiełmof. Što prapanuje pieršy biełaruski dapamožnik dla pierakładčykaŭ fentezi
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy6
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary