ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf

Technałohii maštabavańnia vyjavy doŭhi čas zastavalisia vyklučna ŭtylitarnym instrumientam. DLSS (Deep Learning Super Sampling) — heta raspracavanaja NVIDIA technałohija, jakaja z dapamohaj štučnaha intelektu pavialičvaje raspaznavańnie vyjavy ŭ realnym časie. Videakarta rendaryć hulniu ŭ nizkaj jakaści, a niejrasietka imhnienna «damaloŭvaje» jaje da vysokaj. Papiarednija viersii DLSS pracavali z adnoj metaj — źnizić nahruzku na «žaleza» i pavialičyć častatu kadraŭ, stvarajučy dadatkovyja piksieli abo cełyja pramiežkavyja kadry.

Pavialičyć

Usio źmianiłasia ŭ sakaviku 2026 hoda, kali NVIDIA prezientavała DLSS 5. Karparacyja abviaściła pra pierachod da 3D-kiravanaha niejrasietkavaha rendarynhu.

Zamiest taho kab prosta palapšać pradukcyjnaść, štučny intelekt pačaŭ samastojna sintezavać fotarealistyčnaje aśviatleńnie, cieni i fakturu materyjałaŭ, adroźnivajučy skuru ad mietału, a vałasy ad vady.

Pieršaja reakcyja publiki była katastrafičnaj. Demanstracyja technałohii na prykładzie hulni Resident Evil Requiem vyklikała ŭsieahulnaje abureńnie hiejmieraŭ. Niejrasietka źmianiła rysy tvaru hieraini Hrejs Eškraft, dadaŭšy joj hłybokija zmorščyny i vyrazny makijaž. Aficyjnaje videa NVIDIA sabrała 84% dyzłajkaŭ, a sacsietki vybuchnuli abvinavačvańniami ŭ stvareńni «ŠI-šłaku» (AI slop). Hulcy i raspracoŭščyki aburalisia tym, što ałharytm źniščaje aryhinalnuju mastackuju zadumu, pieratvarajučy ŭnikalnych piersanažaŭ u standartyzavanyja avatarki z mabilnych dadatkaŭ.

Pavialičyć

Kiraŭnik NVIDIA Džensien Chuanh byŭ vymušany apraŭdvacca, zajaŭlajučy, što krytyki pamylajucca. Pavodle jaho słoŭ, DLSS 5 nie źmianiaje hieamietryi i pakidaje poŭny mastacki kantrol u rukach raspracoŭščykaŭ praź sistemu paŭzunkoŭ, jakija rehulujuć intensiŭnaść i ton. Ale davier byŭ padarvany, i navat aŭtarytetnaje vydańnie Digital Foundry sutyknułasia z pahrozami za strymana-pazityŭny ahlad technałohii.

Pavialičyć

Pavialičyć

Pavialičyć

Pavialičyć

«Sapraŭdnaja mahija»

Situacyja kardynalna źmianiłasia ŭ kancy žniŭnia, kali ŭ sietku trapiła kodavaja biblijateka z beta-viersii baskietbolnaha simulatara NBA 2K27. Fajł pamieram 158 miehabajt trapiŭ u ruki entuzijastaŭ z supolnaści RenoDX, jakija zdoleli intehravać jaho ŭ hulni, što nikoli nie mieli aficyjnaj padtrymki novaj technałohii.

Vyniki šakavali navat samych zaŭziatych skieptykaŭ. Kali madel prymianili da takich prajektaŭ, jak Control, Cyberpunk 2077, Skyrim i GTA San Andreas, hulcy ŭbačyli nie «płastykavy filtr», a kiniematahrafičnuju karcinku. 

En çok denemek istediğim oyunlardan biri LA Noire'dı. DLSS5 ile böyle duruyor. GTA 4 kadar göze çarpmasa da bence mimiklerde falan sorun yaşamadı hiç ve abartı durmadan göze hoş geliyor. https://t.co/uIqRTbW4wa pic.twitter.com/t0cX2Gx4Wh

— erdemfelan (@erdemfelan) August 31, 2026

Hrafika tvaraŭ u hulni L.A. Noire bieź i ź nieaficyjna dadadzienym DLSS 5.

Niejrasietka karektna dadavała mikrareljef na adzieńnie, stvarała abjomnyja cieni na tvarach i ažyŭlała staryja tekstury takim čynam, što sceny pačali nahadvać žyvyja videazdymki. Ton kamientaryjaŭ u internecie imhnienna źmianiŭsia: hulcy pačali nazyvać heta «sapraŭdnaj mahijaj» i «vielizarnym hrafičnym apdejtam».

Some dude will look you straight in your dude eyes and say “the DLSS one looks worse.”

Resonance: A Plague Tale Legacy with DLSS 5 is a straight-up cinematic experience. pic.twitter.com/oiBonIh0wh

— JustADude (@juztADudee) August 31, 2026

Hrafika tvaraŭ u hulni Resonance: A Plague Tale Legacy bieź i z DLSS 5.

Tested DLSS 5 on Kingdom Come 2. Absolutely insane.#dlss5 pic.twitter.com/m3IVN3wYlR

— tiff92 (@AlexTiff) August 29, 2026

Kiniematahrafičnaja hrafika tvaraŭ u hulni Kingdom Come: Deliverance 2 paśla dadańnia DLSS 5.

Pryznańnie pryjšło i ad samich stvaralnikaŭ hulniaŭ. Kreatyŭny dyrektar Warhorse Studios Daniel Vaŭra pryznaŭsia, što DLSS 5 narešcie dazvoliła nablizić finalnuju karcinku Kingdom Come: Deliverance 2 da taho ideału, jaki mastaki bačyli na svaich pracoŭnych stancyjach. Štučny intelekt zmoh biezdakorna admalavać cieni ad kapielušoŭ, spražak i šnurkoŭ — toje, z čym hadami nie moh spravicca kłasičny ruchavik hulni.

This is INSANE.

DLSS 5 AI Neural Filters on Control.

Modders have gotten DLSS 5 running on Control via group RenoDX.

- Mod by Speedlemur.
- Running on a 5060. 86->34 FPS
- Costs 40% FPS. Characters only for now.

via Benchlab pic.twitter.com/iEgskz4dyW

— Grummz (@Grummz) August 28, 2026

Kiniematahrafičnaja hrafika tvaraŭ u hulni Control paśla nieaficyjnaha dadavańnia DLSS 5.

Technałohija tolki dla bahatych

Adnak za kiniematahrafičny vyhlad davodzicca płacić vialikuju canu. Aficyjna DLSS 5 pracuje vyklučna na novym pakaleńni videakart RTX 50 (architektura Blackwell). Modaram udałosia ŭzłamać abmiežavańni i zapuścić technałohiju na papiaredniaj liniejcy RTX 40, ale ŭładalnikaŭ bolš starych čypaŭ čakała rasčaravańnie. Pry sprobie zapuścić niejrarendarynh na videakartach sieryi RTX 30 (Ampere) častata kadraŭ abvaliłasia sa 130 da 4 FPS. Pryčyna kryjecca ŭ fizičnaj adsutnaści aparatnaj padtrymki vyličeńniaŭ farmatu FP8. Bolš za toje, navat na topavych sučasnych kartach uklučeńnie novaj technałohii źjadaje ad 50% da 60% pradukcyjnaści.

Here is DLSS5 working on an animation I made in Unreal. It uses the existing geometry, animation, textures and lighting to render. It doesn't make stuff up out of thin air.

There is zero generative AI. This is the exact use of AI that people have wanted. As a tool where artists… https://t.co/AeVU9tXALf pic.twitter.com/ccrBMVD9Jc

— Unreal Sensei (@UnrealSensei) August 31, 2026

Manipulacyi z naładami DLSS 5 dla demanstracyi mahčymaściaŭ technałohii.

Fotarealistyčnaja budučynia videahulniaŭ sapraŭdy nastupiła, ale dla pieravažnaj bolšaści hiejmieraŭ jana pakul zastaniecca dastupnaj tolki ŭ vyhladzie videarolikaŭ na YouTube. Novaja revalucyja ad NVIDIA patrabuje surjoznych finansavych układańniaŭ u abnaŭleńnie kampjutaraŭ, pieratvarajučy DLSS 5 u ekskluziŭny instrumient dla ŭładalnikaŭ fłahmanskich sistem.

• 10
• 1
• 0
• 2
• 2
• 0
• 0
• 0