Pašynian: Vyrašym i vyjdziem z ADKB. My nie dazvolim, kab Łukašenka znoŭ staŭ našym harantam
Premjer-ministr Armienii padčas pieradvybarčych debataŭ zajaviŭ pra mahčymy vychad z Arhanizacyi Damovy ab kalektyŭnaj biaśpiecy (ADKB), piša news.am.
«Kali spatrebicca, vyjdziem z ADKB». Pra heta padčas pieradvybarčych debataŭ na Hramadskim telebačańni zajaviŭ Nikoł Pašynian, adkazvajučy na pytańnie plamieńnika lidara partyi «Mocnaja Armienija» Nareka Karapieciana.
— My vyrašym, zamiežnyja ahienty nie buduć vyrašać, što rabić. My nie dazvolim, kab Łukašenka znoŭ staŭ našym harantam, — adznačyŭ Pašynian.
— Što značyć: zamarozili členstva ŭ ADKB? Nie pracuje — vychodźcie, — dadaŭ Karapiecian, zaklikajučy spačatku stvaryć haranta pamiž Armienijaj i Azierbajdžanam.
— Nu i vyjdziem z ADKB. Vy što, nas pałochajecie? Ni vy, ni vaš dziadźka nie vyrašajecie. Vyrašym i vyjdziem. A harantam źjaŭlajucca Armienija, dziaržava, armija, — padkreśliŭ Pašynian.
Raniej Łukašenka paraiŭ žycharam Armienii być aściarožnymi pry vybary pamiž Rasijaj i Jeŭropaj — «kab nie paŭtaryć toje, što adbyłosia va Ukrainie».
U niadzielu ŭ Armienii projduć parłamienckija vybary. Rasija robić staŭku na «Mocnuju Armieniju» Samvieła Karapieciana.
Kamientary
I dzie zaraz Pryhožyn?
Łukaka breša kožny raz kali klaniecca ci daje "česnaje słova" i "harantyi".
Ŭ 2020 klaŭsia i bažyŭsia svaimi dziaćmi što bolš nikoli nie pojdzie ŭ pierasidzienty.