Niezapatrabavanaje arendnaje žyllo mohuć pradavać za adnu bazavuju
Pustoje abo pryznačanaje pad znos arendnaje žyllo ŭ Biełarusi mohuć pradavać usiaho za adnu bazavuju vieličyniu. Pra heta paśla narady ŭ Alaksandra Łukašenki raskazaŭ ministr žyllova-kamunalnaj haspadarki Hienadź Trubiła.
Pavodle słoŭ čynoŭnika, ciapier u Biełarusi kala 15 tysiač arendnych žyłych pamiaškańniaŭ pustujuć bolš za paŭhoda. Pieravažna heta žyllo, pabudavanaje jašče ŭ savieckija časy ŭ sielskich nasielenych punktach.
Bolš za 1,3 tysiačy takich pamiaškańniaŭ płanujuć znoŭ uvieści ŭ haspadarčy abarot, pakolki na ich jość popyt. Jašče bolš za 2,5 tysiačy kvater i damoŭ patrabujuć ramontu, a kala 6 tysiač prapanujecca źnieści praź niezapatrabavanaść i avaryjny stan.
Abłvykankamy ŭžo raspracavali płany pa vykarystańni pustoha žylla. Adnym z prapanavanych miechanizmaŭ stała mahčymaść dla miascovych orhanaŭ ułady pradavać pamiaškańni, jakija patrabujuć ramontu abo padlahajuć znosu, za adnu bazavuju vieličyniu.
Ciapier isnuje i miechanizm aŭkcyjonu z panižeńniem pačatkovaj cany. Adnak, jak adznačyŭ ministr, takaja pracedura zajmaje kala dzieviaci miesiacaŭ i patrabuje dadatkovych vydatkaŭ na acenku žylla i arhanizacyju tarhoŭ. Pry hetym vynik nie zaŭsiody apraŭdvaje vydatki. Tamu prapanujecca, kab miascovyja ŭłady sami vyznačali pieralik pamiaškańniaŭ, jakija možna budzie pradavać za adnu bazavuju vieličyniu.
Dla arendnaha žylla, jakoje patrabuje ramontu, prapanujuć jašče adzin varyjant. Kali čałaviek zachoča zasialicca ŭ takuju kvateru i samastojna zrabić ramont, košt vykananych rabot mohuć vyličvać z arendnaj płaty. Takim čynam, na peŭny čas arandatar moža być vyzvaleny ad apłaty za žyllo.
Trubiła zajaviŭ, što paśla abmierkavańnia roznych varyjantaŭ ułady bačać niekalki sposabaŭ viarnuć pustoje arendnaje žyllo ŭ haspadarčy abarot.
Jon taksama nahadaŭ pra ŭžo najaŭnuju mahčymaść vykupu arendnaha žylla. Joju mohuć skarystacca maładyja śpiecyjalisty najbolš zapatrabavanych prafiesij, jakija žyvuć u nasielenych punktach z kolkaściu nasielnictva da 20 tysiač čałaviek. Dla hetaha jany pavinny adpracavać dziesiać hadoŭ u arhanizacyi, jakaja dała im žyllo.
«Kapiejki zapłacić nie mohuć». Łukašenka aburyŭsia praterminavanymi zapazyčanaściami za arendnaje žyllo
Minčancy, jakaja prasiła ŭ Łukašenki kvateru za troch narodžanych dačok, pakul padaryli trochmiesnuju kalasku
U Mazyry žyllo, jakoje płanavałasia dla lhotnikaŭ, zrabili arendnym
U Breście pradajuć maleniečkuju adnapakajoŭku, dzie paśla zastanucca žyć maci i dačka. U čym prykoł?
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary