U Homieli žančyna prybirała na antresolach i natknułasia na sapraŭdnuju zbroju
U Homieli padčas prybirańnia kvatery žančyna znajšła na antresolach u kalidory revalvier i patrony. Znachodka akazałasia nie prosta starym pradmietam, a sapraŭdnaj ahniastrelnaj zbrojaj, prydatnaj dla stralby, paviedamlaje «Homielskaja praŭda».
Žycharka Homiela źviarnułasia ŭ milicyju paśla taho, jak padčas prybirańnia kvatery znajšła na antresoli ŭ kalidory revalvier i patrony. Vyśvietliłasia, što kaliści zbroja naležała jaje mužu — byłomu aficeru Savieckaj armii.
Spačatku mahło zdavacca, što havorka idzie pra zvyčajnuju staruju reč, jakaja dziesiacihodździami lažała biez uvahi. Adnak ekśpiertyza pakazała, što znachodka zusim nie była biaskryŭdnym rarytetam. Revalvier akazaŭsia ručnoj naraznoj ahniastrelnaj zbrojaj — 5, 6‑milimietrovym revalvieram Nahana-Śmirnskaha ŭzoru 1926 hoda. Pryčym i sam revalvier, i znojdzienyja patrony byli prydatnyja dla stralby.
Tamu ŭ milicyi zaklikajuć žycharoŭ być asabliva aściarožnymi padčas razboru starych rečaŭ svajakoŭ. Asabliva heta tyčycca vypadkaŭ, kali rečy zastalisia paśla byłych vajskoŭcaŭ, supracoŭnikaŭ siłavych struktur abo ŭdzielnikaŭ bajavych dziejańniaŭ.
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo6
Minčanka Anhielina, jakaja prasiła ŭ Łukašenki kvateru za trojniu, atrymała žyllo
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary