У Гомелі жанчына прыбірала на антрэсолях і наткнулася на сапраўдную зброю
У Гомелі падчас прыбірання кватэры жанчына знайшла на антрэсолях у калідоры рэвальвер і патроны. Знаходка аказалася не проста старым прадметам, а сапраўднай агнястрэльнай зброяй, прыдатнай для стральбы, паведамляе «Гомельская праўда».
Жыхарка Гомеля звярнулася ў міліцыю пасля таго, як падчас прыбірання кватэры знайшла на антрэсолі ў калідоры рэвальвер і патроны. Высветлілася, што калісьці зброя належала яе мужу — былому афіцэру Савецкай арміі.
Спачатку магло здавацца, што гаворка ідзе пра звычайную старую рэч, якая дзесяцігоддзямі ляжала без увагі. Аднак экспертыза паказала, што знаходка зусім не была бяскрыўдным рарытэтам. Рэвальвер аказаўся ручной наразной агнястрэльнай зброяй — 5, 6‑міліметровым рэвальверам Нагана-Смірнскага ўзору 1926 года. Прычым і сам рэвальвер, і знойдзеныя патроны былі прыдатныя для стральбы.
Таму ў міліцыі заклікаюць жыхароў быць асабліва асцярожнымі падчас разбору старых рэчаў сваякоў. Асабліва гэта тычыцца выпадкаў, калі рэчы засталіся пасля былых вайскоўцаў, супрацоўнікаў сілавых структур або ўдзельнікаў баявых дзеянняў.
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»54
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары