Viadučy STB Raman Pratasievič pabraŭsia šlubam trecim razam
Narešcie niaviesta źmianiłasia.
Hetym razam abrańnicaj 31‑hadovaha Ramana Pratasieviča stała Nastaśsia Łabazanava. Dziaŭčyna pracuje ŭ śfiery miedycyny, ale pry hetym cikavicca taro i roznaj mistykaj.
Paznajomilisia maładyja ludzi letaś u bary — ich źvioŭ ahulny znajomy. Nastaśsia raspaviadała, što była ŭ šoku ad taho, što siadzić pobač z samim Pratasievičam.
Paśla para praciahnuła razmaŭlać u siabroŭskim čacie. A pieršuju asabistuju hutarku inicyjavała dziaŭčyna — prapanavała abmierkavać «Bitvu ekstrasensaŭ».
Sama siabie Nastaśsia nazyvała viedźmaj i raspaviadała, što budučaha žanicha pryvabiła čyrvonymi trusami — maŭlaŭ, jany nieabchodny, kab u žyćci było kachańnie.
Letaś na Novy hod jana paprasiła ŭ Ramana taki padarunak: «I praz dva miesiacy jon zrabiŭ mnie prapanovu ruki i serca. Voś tak».
Raniej para raspaviadała, što źbirajecca paklikać na viasielle kala 20 samych blizkich čałaviek. Ahučvali i biudžet — nie mienš za 6 tysiač dalaraŭ.
Chacieli paśpieć raśpisacca da kanca leta, ale ŭ vyniku dajšli da ZAHSu vosieńniu — na Dzień horada Minska, 12 vieraśnia.
Niaviesta pierad viasiellem paśpieła jašče źjeździć adpačyć u Hiermaniju. Raman sabie adpačynak u Jeŭropie dazvolić nie moža sa zrazumiełych pryčyn.
Vieści śviata davieryli byłomu praparščyku 14‑ha pałku ŭradavaj suviazi KDB, a ciapier praŭładnamu błohieru Antonu Šabunieviču.
Pakolki viasielle adbyłosia ŭ Dzień horada, Raman i Nastaśsia pajšli biaspłatna hladzieć salut na Niamihu.
Moža, jašče i kancert Akmala pasłuchali pierad hetym, jaki vystupaŭ la Pałacu sportu.
Dla Ramana heta ŭžo treci šlub. Pieršyja dva razy jon byŭ žanaty z Marharytaj Hryckievič. Taja taksama mieła miedycynskuju adukacyju i niejki čas pracavała ŭ aptecy pravizaram, a jašče jak i Nastaśsia cikaviłasia taro.
Łabazanava skardziłasia ŭ instahramie, što byłaja žonka i jašče adna byłaja dziaŭčyna Pratasieviča pahražali joj, kali Nastaśsia čarhovym razam siadzieła ŭ bary z Ramanam. Eks-kachanyja byccam by śćviardžali, što sercajed kinuŭ ciažarnuju ad jaho dziaŭčynu. Ale Nastaśsia ŭpeŭniena, što heta chłuśnia.
Sam Raman tuju historyju nijak nie kamientavaŭ.
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»
Byłyja žonka i dziaŭčyna Pratasieviča abjadnalisia i pryjšli da jaho novaj niaviesty, kab adpomścić. I pahražajuć sudom
Pratasievič padzialiŭsia, kolki hrošaj jamu treba na viasielle
«Ja siadžu z Pratasievičam. Pipiec!» Niaviesta Ramana Pratasieviča raskazała historyju ich znajomstva
«Dziaŭčaty, heta realna pracuje!» Niaviesta Pratasieviča raskazała, jak pryvaražyła budučaha muža čyrvonymi trusami
Kamientary