Нарэшце нявеста змянілася.
Гэтым разам абранніцай 31‑гадовага Рамана Пратасевіча стала Настасся Лабазанава. Дзяўчына працуе ў сферы медыцыны, але пры гэтым цікавіцца таро і рознай містыкай.
Пазнаёміліся маладыя людзі летась у бары — іх звёў агульны знаёмы. Настасся распавядала, што была ў шоку ад таго, што сядзіць побач з самім Пратасевічам.
Пасля пара працягнула размаўляць у сяброўскім чаце. А першую асабістую гутарку ініцыявала дзяўчына — прапанавала абмеркаваць «Бітву экстрасэнсаў».
Сама сябе Настасся называла ведзьмай і распавядала, што будучага жаніха прывабіла чырвонымі трусамі — маўляў, яны неабходны, каб у жыцці было каханне.
Летась на Новы год яна папрасіла ў Рамана такі падарунак: «І праз два месяцы ён зрабіў мне прапанову рукі і сэрца. Вось так».
Раней пара распавядала, што збіраецца паклікаць на вяселле каля 20 самых блізкіх чалавек. Агучвалі і бюджэт — не менш за 6 тысяч даляраў.
Хацелі паспець распісацца да канца лета, але ў выніку дайшлі да ЗАГСу восенню — на Дзень горада Мінска, 12 верасня.
Нявеста перад вяселлем паспела яшчэ з'ездзіць адпачыць у Германію. Раман сабе адпачынак у Еўропе дазволіць не можа са зразумелых прычын.
Весці свята даверылі былому прапаршчыку 14‑га палку ўрадавай сувязі КДБ, а цяпер праўладнаму блогеру Антону Шабуневічу.
Паколькі вяселле адбылося ў Дзень горада, Раман і Настасся пайшлі бясплатна глядзець салют на Нямігу.
Можа, яшчэ і канцэрт Акмаля паслухалі перад гэтым, які выступаў ля Палацу спорту.
Для Рамана гэта ўжо трэці шлюб. Першыя два разы ён быў жанаты з Маргарытай Грыцкевіч. Тая таксама мела медыцынскую адукацыю і нейкі час працавала ў аптэцы правізарам, а яшчэ як і Настасся цікавілася таро.
Лабазанава скардзілася ў інстаграме, што былая жонка і яшчэ адна былая дзяўчына Пратасевіча пагражалі ёй, калі Настасся чарговым разам сядзела ў бары з Раманам. Экс-каханыя быццам бы сцвярджалі, што сэрцаед кінуў цяжарную ад яго дзяўчыну. Але Настасся ўпэўнена, што гэта хлусня.
Сам Раман тую гісторыю ніяк не каментаваў.
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»
Былыя жонка і дзяўчына Пратасевіча аб’ядналіся і прыйшлі да яго новай нявесты, каб адпомсціць. І пагражаюць судом
Пратасевіч падзяліўся, колькі грошай яму трэба на вяселле
«Я сяджу з Пратасевічам. Піпец!» Нявеста Рамана Пратасевіча расказала гісторыю іх знаёмства
«Дзяўчаты, гэта рэальна працуе!» Нявеста Пратасевіча расказала, як прываражыла будучага мужа чырвонымі трусамі
Цяпер чытаюць
Дэпутатка, якая рыхтуе прыгажунь для Лукашэнкі, выйшла замуж20
Каментары