Аляксандр Лукашэнка даручыў дадаткова вывучыць працу і рэкламу ў краіне гульнявога бізнэсу, піша БелТА.
«Як яно ў вас называецца: «круці гусь» — усюды вы развесілі гэтую рэкламу. Ужо дайшло да таго, аказваецца, гэтым займаецца мая сям'я. Мая сям'я… Якраз мяне кожны дзень зневажаюць. Яны мяне душаць, каб я звярнуў на гэта ўвагу», — сказаў ён.
«Што творыцца ў краіне: у нас усе гэтую гусь круцяць. Звярніце ўвагу, Дзмітрый Мікалаевіч [Круты], сур'ёзна гэтым займіцеся», — даручыў Лукашэнка.
«Круціць гусь» — рэклама букмекерскай кампаніі «Макслайн», у ёй нават зняўся Аляксандр Саладуха. Тую самую гусь рэкламуе і чэмпіён Беларусі па футболе «МЛ Віцебск», да якога мае дачыненне букмекерская кантора.
У сферы анлайн-казіно сапраўды існуе рускамоўны выраз «круціць гуся» ў значэнні «круціць слоты». Але ён малавядомы. Масавая моладзевая аўдыторыя ведае выразы «душыць гусь», «цягнуць гусь», а часам і «круціць гусака», які абазначае мужчынскую мастурбацыю.
Цяпер чытаюць
Хто з палітвязняў выйшаў на свабоду 16 верасня ПОЎНЫ СПІС3
Каментары