Аўстрыйская пякарня пачала прадаваць у Нью-Ёрку хлеб па 60 даляраў за бохан
Але кліенты становяцца ў чаргу.
Аўстрыйская сетка пякарань Martin Auer адкрыла першую краму за межамі краіны — у Нью-Ёрку і прадае там паўтаракілаграмовы бохан жытняга хлеба за 60 даляраў. Крама Rye by Martin Auer працуе ў раёне Соха на Манхэтэне, піша Bild.
Хлеб робяць з арганічнага аўстрыйскага збожжа на заквасцы, а цеста ферментуюць да 24 гадзін.
У асартыменце крамы асноўны акцэнт зроблены менавіта на гэты прадукт: яго прадаюць цалкам, паловамі, чвэрцямі і выкарыстоўваюць для бутэрбродаў.
У Аўстрыі аналагічны бохан каштуе менш за 10 еўра.
У Нью-Ёрку цана выклікала спрэчкі, аднак ля крамы ўсё роўна становяцца чэргі. Крама ў Соха стала 43‑й для сеткі Martin Auer і першай міжнароднай.
Кампанія тлумачыць высокую цану дарагой лакацыяй і працаёмкай вытворчасцю хлеба.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары
Гэта сьведчыць колькі павішшны еаштаааць сапраўдныя прадукты, дзе 3-4 інгрэдыенты… жыта, закваска соль, вада… можна яшчэ кмен, каляндру, кроп… і параўнайце з хлебам за 4-5$ у якім 12-20 інгрэдыентаў і каб прачытаць, язык зломіш…