У Мінску прадаюць гараж, больш падобны да лецішча — можна нават жыць. Колькі просяць?
«А вы бачылі калі-небудзь гараж, у які ні разу не заязджала машына?» — з такіх слоў пачынаецца апісанне аб’екта ў відэааглядзе рыэлтаркі.
Гараж знаходзіцца ў гаражным кааператыве «Заходні», што па адрасе Масюкоўшчына, 34В у Мінску. Гараж двухузроўневы, вуглавы. Агульная плошча аб’екта — амаль 46 метраў.
Сам гараж унутры па сваім аздабленні больш падобны да якогасьці лецішча. Сцены на верхнім узроўні амаль цалкам абшытыя дрэвам. Падлога таксама драўляная.
На ўваходзе ляжыць дыванчык, а да белай столі прымацаваны дрот, на якім вісяць фіранкі, якія раздзяляюць памяшканне на дзве часткі.
Ёсць элементы старой мэблі і нават пыласос. Замест аглядовай ямы тут лесвіца, якая вядзе да двух асобных пакояў на падземным узроўні.
Адметна, што частка ямы наглуха засцеленая драўлянай падлогай, таму нават пры ўсім жаданні выкарыстоўваць гараж як гараж без дадатковых высілкаў па пераробцы не атрымаецца.
Памяшканні на ніжнім паверсе цалкам абкладзены пліткай. Падвал, апроч хола з лесвіцай, мае два асобныя памяшканні.
У апісанні пазначана, што гараж уцеплены. «Пасуе для сваёй майстэрні, складзіравання далікатнага тавару, ну і, вядома, па прамым прызначэнні — пад гараж», — гаворыцца ў аб’яве.
За гараж, які не зусім гараж, просяць 80 тысяч рублёў, што крыху больш за 26 тысяч даляраў.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску23
Каментары