Акцёр, што сыграў Купалу ў аднайменнай стужцы «Беларусьфільма», выйграў гран-пры і $450 тысяч на фестывалі ў Казахстане
Мікалай Шастак — акцёр і рэжысёр з Латвіі.
«38‑гадовы латвійскі тэатральны акцёр Мікалай Шастак. Працы мала. Грошай — і таго менш. Некалькі гадоў таму ён пайшоў ва-банк і стварыў уласны кінапраект. А нядаўна павёз фільм на міжнародны кінафестываль у Астану і атрымаў Гран-пры — 450 тысяч далараў (400 тысяч еўра)», піша Delfi.lv
«Атрымалася крыху дзіўная гісторыя. Я вярнуўся з Казахстана і зразумеў, што ў Латвіі пра гэта, здаецца, увогуле ніхто не напісаў. На Astana AI Film Festival мой фільм The First Honest Day атрымаў Гран-пры і галоўную ўзнагароду — 450 000 даляраў. І маштаб аказаўся зусім не лакальным: 8 067 фільмаў са 125 краін, 25 работ дайшлі да фінальнага адбору», — расказаў Мікалай Шастак латвійскаму Delfi.lv.
Агульны прызавы фонд фестывалю складаў два мільёны даляраў. Фестываль адкрываў прэзідэнт Казахстана Касым-Жамарт Такаеў. У міжнародным журы была Адры Азуле.
Нагадаем, што Мікалай Шастак сыграў галоўную ролю ў фільме «Беларусьфільма» «Купала», што меўся выйсці ў пракат у 2020 годзе. Фільм распавядае пра жыццё Янкі Купалы ад нараджэння да трагічнай гібелі ў 1942 годзе. У фільме паказана маленства і дзяцінства будучага пісьменніка, праца ў «Нашай Ніве» ў Вільні, трывожныя 1920‑я гады ў Мінску, русіфікацыя і рэпрэсіі 1930-х.
Аднак шырокай прэм’еры фільма (да канца 2021 года) так і не адбылося — з палітычных прычын яго «паклалі на паліцу». Але ён даступны на інтэрнет-рэсурсах.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары