Ірландыя прапануе скараціць бюджэт Еўрасаюза на 8%. Іншыя яшчэ больш радыкальныя
Ірландыя прапанавала скараціць бюджэт Еўрасаюза на 2028—2034 гады прыкладна на 140 мільярдаў еўра, або на 8% у параўнанні з праектам Еўракамісіі. Аднак Германія і іншыя буйныя краіны-донары патрабуюць яшчэ больш істотнага скарачэння выдаткаў, піша Deutsche Welle.
Свой варыянт бюджэту Ірландыя, якая цяпер старшынюе ў ЕС, прадставіла ў суботу, 10 кастрычніка.
Прапануецца скараціць міжнародную дапамогу на 17%, адміністрацыйныя выдаткі — на 12%, а фінансаванне новага фонду павышэння канкурэнтаздольнасці — прыкладна на 13%. Выдаткі на сельскую гаспадарку і фонды рэгіянальнага развіцця могуць быць зменшаныя на 3%.
Ірландскі план таксама прадугледжвае значнае скарачэнне фінансавання навуковых даследаванняў, абароны, знешняй палітыкі і палітыкі развіцця — сфер, на якія Еўракамісія першапачаткова планавала выдаць больш сродкаў. Пры гэтым традыцыйна буйныя артыкулы бюджэтных выдаткаў, звязаныя з сельскай гаспадаркай і палітыкай згуртавання, амаль не закранаюцца.
Ірландскую прапанову абмяркуюць на саміце ЕС на наступным тыдні.
Паміж 27 краінамі Еўрасаюза існуюць істотныя супярэчнасці наконт сумы будучага бюджэту. Германія, Нідэрланды, Швецыя і Аўстрыя, якія належаць да буйных донараў ЕС, выступаюць за значнае скарачэнне выдаткаў у параўнанні з планам Еўракамісіі.
У той жа час Францыя, Іспанія і Польшча настойваюць на большым бюджэце і катэгарычна выступаюць супраць скарачэння субсідый для сельскай гаспадаркі.
У ЕС разлічваюць дасягнуць пагаднення да канца года. На перамовы ўплываюць і палітычныя абставіны: наступнай вясной у Францыі павінны прайсці прэзідэнцкія выбары, а ў Іспаніі на лістапад гэтага года прызначаныя датэрміновыя парламенцкія выбары. Паводле агенцтва AFP, іспанская выбарчая кампанія можа яшчэ больш ускладніць дасягненне дамоўленасці.
Адзін з дыпламатаў ЕС у размове з агенцтвам dpa выказаў расчараванне ірландскім праектам. На яго думку, прапанова не можа стаць нават аддаленай асновай для пагаднення, бо прадугледжаны ў ёй рост выдаткаў застаецца непасільным для бюджэту. Дыпламат таксама заявіў, што план аддае перавагу палітычным задачам XX стагоддзя замест падрыхтоўкі Еўрасаюза да выклікаў XXI стагоддзя. Ён заклікаў да больш рэалістычнага падыходу да фінансавання.
Бюджэт Еўрасаюза фармуецца пераважна за кошт унёскаў дзяржаў-членаў, разлічаных у залежнасці ад іх валавага нацыянальнага даходу. Найбольшы ўнёсак робіць Германія, эканоміка якой значна пераўзыходзіць эканомікі астатніх краін ЕС.
Германія запатрабавала скараціць праект бюджэту ЕС на сотні мільярдаў еўра. З бюджэту ЕС фінансуецца і беларуская культура
У Еўропе ўжо думаюць, як будуць жыць без Мерца на чале Германіі
«Мы рэкамендуем не хлусіць». Дарадца Ціханоўскай расказаў пра поспехі і праблемы з легалізацыяй беларусаў у розных краінах
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары
Успомніце завод Aughinish Alumina які пастачае ў расею сыравіну для алюмінія