На Лагойшчыне ўжо другі раз за месяц пабачылі незвычайную лісу. Але не тую самую ВІДЭА
У Лагойскім раёне відэапастка зафіксавала незвычайную лісу з чорнай поўсцю замест звыклай рудой. Кадрамі падзяліўся Лагойскі лясгас.
Гэта чорна-бурая лісіца, якую таксама называюць чарнабуркай. Нягледзячы на незвычайны выгляд, яна не з’яўляецца асобным відам, а ўяўляе сабой каляровую разнавіднасць звычайнай рудой лісы.
Такая афарбоўка жывёлы абумоўленая меланізмам — генетычнай асаблівасцю, пры якой у яе арганізме выпрацоўваецца больш цёмнага пігменту меланіну. У выніку поўсць становіцца чорнай або цёмна-бурай.
Пры гэтым чарнабуркі не заўсёды цалкам чорныя: іх футра можа мець серабрыстае адценне, шэрыя ўчасткі, а кончык хваста часам застаецца белым. Сама па сабе чорная афарбоўка не азначае, што жывёліна належыць да рэдкага або знікаючага віду.
За апошні месяц у ваколіцах Лагойска заўважылі ўжо другую лісу незвычайнага колеру. У верасні ў вёсцы Кіселёўка на дачным участку з’явілася белая лісіца з ашыйнікам. Гэта была ручная ліса з незвычайнай белай афарбоўкай, а не пясец, як меркавалі некаторыя.
Дэпутатка, якая рыхтуе прыгажунь для Лукашэнкі, выйшла замуж23
Каментары