Гэта будзе 30‑ы рэстаран Мак.by ў Беларусі і 23‑і ў Мінску.
Mak.by у Лошыцы адкрыюць да канца кастрычніка. Пра гэта паведамілі ў адміністрацыі Ленінскага раёна сталіцы, піша Blizko.by.
Рэстаран на скрыжаванні вуліц Алеся Дудара, Янкі Лучыны і Ігуменскага тракта стане першай кропкай сеткі ў Лошыцы і 30-й, юбілейнай, ва ўсёй Беларусі і 23‑й у Мінску.
Плошча рэстарана, які размесціцца насупраць гіпермаркета «Гіпа», складзе 360 квадратных метраў.
У ім будзе 78 пасадачных месцаў унутры будынка і 22 — на адкрытай тэрасе. Для аўтамабілістаў абсталююць паркоўку на 29 месцаў і адкрыюць лінію Mak.Drive.
Праектаваннем займалася Архітэктурная студыя архітэктара Андрушкіна, якая распрацоўвала праекты і для рэстаранаў McDonald’s у Беларусі. Будаўніцтва аб’екта ў Лошыцы пачалі ў ліпені.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары