Цягнік №301 Адлер — Мінск, які адправіўся з Адлера 7 кастрычніка ў 20:38, з тэхнічных прычын зменіць маршрут. Замест Гомеля ён праедзе праз станцыю Орша-Цэнтральная і прыбудзе ў Мінск у 18:30 замест запланаваных 19:03. Рашэнне аб змене маршруту прынялі Расійскія чыгункі, паведаміла прэс-служба БЧ.
Для пасажыраў, якія едуць з расійскіх станцый да станцый на ўчастку Гомель — Мінск, прызначылі дадатковы цягнік №612 Мінск — Гомель. Ён адправіцца з Мінска ў 20:26 і прыбудзе ў Гомель у 23:55.
Пасажыры з квіткамі на цягнік №301 Адлер — Мінск, якія павінны сесці на станцыях участку Гомель — Мінск, змогуць скарыстацца цягніком №611 Гомель — Мінск. Ён адправіцца з Гомеля 9 кастрычніка ў 14:38 і прыбудзе ў Мінск у 19:03.
Таксама 9 кастрычніка з тэхнічных прычын зменены маршрут цягніка №302 Мінск — Адлер. Да Гомеля ён будзе ісці паводле звычайнага раскладу, а далей — праз Магілёў, Оршу і Бранск, пасля чаго працягне рух па сваім маршруце.
Гэта не першы падобны выпадак, і можна меркаваць, што прычынай гэтых карэкціровак, як і раней, маглі стаць няштатныя сітуацыі на пуцях, звязаныя з развязанай Расіяй вайной супраць Украіны.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары