Генерал Суравікін можа ўзначаліць кампанію ўдараў па ўкраінскай інфраструктуры, у прыватнасці па мастах праз Дняпро ў горадзе.
Расія можа зноў задзейнічаць генерала Сяргея Суравікіна, вядомага пад мянушкай «генерал Армагедон», каб узмацніць ціск на Кіеў. Пра гэта паведамляе Bild са спасылкай на брытанскую The Telegraph.
Паводле яе звестак, Суравікін можа ўзначаліць кампанію ўдараў па ўкраінскай інфраструктуры, у прыватнасці па мастах праз Дняпро.
Раней Суравікін ужо праславіўся жорсткімі метадамі вядзення вайны ў Сірыі. Расійскія войскі пад яго камандаваннем удзельнічалі ў аблозе і бамбардзіроўках Алепа.
Праваабаронцы абвінавачвалі расійскія і сірыйскія сілы ў нанясенні ўдараў па бальніцах, школах і жылых кварталах, у выніку якіх загінулі тысячы мірных жыхароў.
У 2022 годзе Суравікін камандаваў расійскімі войскамі ва Украіне, а пазней стаў адным з кіраўнікоў абароны. Пасля мяцяжу Яўгена Прыгожына ў чэрвені 2023 года генерал знік з публічнай прасторы.
Паводле паведамленняў СМІ, пазней ён займаўся расійскімі ваеннымі аперацыямі ў Афрыцы. Цяпер, як сцвярджаюць брытанскія крыніцы, ён мог вярнуцца ў Маскву і зноў атрымаць важную ролю ў вайне.
Асаблівую ўвагу, паводле звестак The Telegraph, могуць надаць васьмі мастам праз Дняпро ў Кіеве. Іх разбурэнне можа парушыць транспартнае злучэнне паміж часткамі горада і ўскладніць забеспячэнне шматмільённай сталіцы.
Магчымае вяртанне генерала адбываецца на фоне павольнага прасоўвання расійскай арміі на ўсходзе Украіны і значных страт.
Паводле ацэнкі брытанскіх журналістаў, Крэмль можа разлічваць узмацніць ціск на ўкраінскае насельніцтва ўдарамі па інфраструктуры, калі не ўдаецца дасягнуць вырашальнага поспеху на полі бою.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары