Міністэрства юстыцыі прыпыніла на два месяцы ліцэнзію ТАА «Рыэлтэкс» на ажыццяўленне рыэлтарскай дзейнасці. Рашэнне прынята пасля таго, як высветлілася, што рыэлтарскія паслугі кліенту аказвала асоба, якая не была супрацоўнікам гэтай арганізацыі, піша Office Life.
Ліцэнзія кампаніі будзе прыпыненая з 15 верасня да 15 лістапада 2026 года. У гэты перыяд «Рыэлтэкс» не мае права аказваць рыэлтарскія паслугі. Кліенты кампаніі пры гэтым могуць у аднабаковым парадку скасаваць заключаныя з ёй дамовы.
Міністэрства таксама прыняло меры ў дачыненні да кіраўніцтва кампаніі і рыэлтара, які павінен быў працаваць з кліентам. Менавіта скарга кліента стала падставай для правядзення праверкі і прымянення санкцый.
У апошнія месяцы Мінюст узмацніў кантроль за дзейнасцю рыэлтарскіх арганізацый. У пачатку верасня былі прыпыненыя ліцэнзіі агенцтваў нерухомасці «Эксперт» і «Твой дом».
У жніўні такія меры прымяняліся да агенцтваў «ЭРА-Нерухомасць», БЕЛЦН і «ВСП нерухомасць-Інвест». А сталічнае агенцтва «Атлас нерухомасці» Мінюст пазбавіў ліцэнзіі пасля паўторных парушэнняў.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары