Кавярня запатрабавала 10 рублёў толькі за ўваход. Ці законна гэта?
Некаторыя беларускія кавярні і рэстараны патрабуюць ад наведвальнікаў асобную плату за ўваход, а часам яшчэ і за браніраванне століка. Аднак, як тлумачыць «Мінскай праўдзе» адвакатка Мінскай гарадской калегіі адвакатаў Дар’я Хаткевіч, такія патрабаванні не заўсёды адпавядаюць заканадаўству.
У рэдакцыю звярнулася беларуска, якая расказала, што ў адной з кавярняў з яе і дзяцей узялі плату за ўваход. Паводле яе слоў, у чэку асобным радком было пазначана: «Уваход — 10 рублёў».
Адвакатка патлумачыла, што дзейнасць кавярняў, бараў і рэстаранаў у Беларусі грунтуецца на публічнай дамове. Гэта азначае, што пры наяўнасці магчымасці абслужыць наведвальніка ўстанова не мае права адмовіць яму ў абслугоўванні. Умовы і цэны павінны быць аднолькавымі для ўсіх спажыўцоў, за выключэннем прадугледжаных законам ільгот для асобных катэгорый.
Таму патрабаванне заплаціць за сам факт уваходу ў кавярню як умову для таго, каб наведвальнік мог атрымаць паслугі грамадскага харчавання, парушае прынцыпы публічнай дамовы і заканадаўства аб абароне правоў спажыўцоў.
Акрамя таго, у Беларусі забаронена абумоўліваць набыццё адных паслуг абавязковым набыццём іншых тавараў або паслуг. Выканаўца таксама не мае права без згоды спажыўца аказваць дадатковыя платныя паслугі. Калі такая паслуга ўжо была аплачаная, спажывец можа патрабаваць вяртання грошай.
Таму без папярэдняй згоды кліента незаконнымі могуць быць асобныя патрабаванні аб аплаце за «ўваход», «абслугоўванне», «столік» або сэрвісны збор. Наведвальнік павінен аплачваць замоўленыя ім стравы і напоі.
Пры гэтым плата за ўваход можа быць законнай, калі чалавек плаціць не за магчымасць паесці ва ўстанове, а за ўдзел у асобным мерапрыемстве. Напрыклад, уваходны білет можа прадавацца на канцэрт, шоу-праграму або выступленне.
Асобна юрыстка расказала пра мінімальны заказ і дэпазіт пры браніраванні століка. Патрабаванне абавязкова «наесці» на пэўную суму можа абмяжоўваць права спажыўца на свабодны выбар паслуг.
Дэпазіт пры браніраванні магчымы, калі кліент добраахвотна згадзіўся на яго і гэтая сума ў далейшым залічваецца ў кошт замовы. Аднак браць грошы выключна за сам факт браніравання століка нельга.
Што да чаявых, то яны павінны заставацца добраахвотнымі. Уключаць іх у рахунак без згоды кліента нельга.
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2020
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі20
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары
________________________________________
А мо тут як у анекдоце: а гэта што ў вас тут у чэку асобным радком пазначана: «Праканала — 10 рублёў»? А, прабачце, Непраканала, выкрэсліваем.
[Зрэдагавана]