У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі
Група мужчын у Остраве напала на веласіпедыста праз галаўны ўбор, колеры якога яны памылкова прынялі за колеры ўкраінскага сцяга. Здарэнне адбылося падчас дабрачыннай акцыі па зборы сродкаў на лячэнне цяжарнай дзяўчыны хлопца, якая захварэла на рак. Розгалас дапамог сабраць неабходную суму за адну ноч.
Увечары 11 верасня ў чэшскім горадзе Острава польскія грамадзяне збілі 36‑гадовага Кубу Хэйсіга з Хожава. Паводле інфармацыі Dziennik Zachodni, напад адбыўся, калі мужчына вяртаўся з крамы. Ён атрымаў нечаканы ўдар у галаву, быў павалены на зямлю і жорстка збіты нагамі.
Нападнікі прынялі яго жоўта-блакітны капялюш за ўкраінскі сцяг, пачалі зневажаць мужчыну і крычаць, што ён «ўкраінец і бандэравец». Агрэсараў не спыніў нават размешчаны на галаўным уборы надпіс «GÓRNY ŚLONSK».
Хэйсіг стартаваў 9 верасня на грузавым веласіпедзе (cargo). Маршрут даўжынёй 800 кіламетраў наўмысна пралягаў уздоўж гістарычных межаў Верхняй Сілезіі такім чынам, каб мужчына мог хутка вярнуцца дадому ў выпадку пагаршэння стану партнёркі.
Мэтай кампаніі «Rajza dla Marceliny» быў збор 300 тысяч злотых для 30‑гадовай цяжарнай маці траіх дзяцей Марцэліны. У яе дыягнаставалі злаякасны рак шыйкі маткі трэцяй стадыі, які ўскладніўся трамбозам на фоне цяжкай хіміятэрапіі.
Сабраныя сродкі прызначаліся на некампенсаваныя лекі, медыцынскае харчаванне і ўтрыманне сям'і, паколькі пара была вымушана спыніць і абмежаваць працоўную дзейнасць.
Колеравая гама капелюша цалкам адпавядае традыцыйнай сімволіцы Верхняй Сілезіі: рэгіён мае жоўта-блакітны сцяг і герб з залатым арлом на блакітным шчыце. Пасля збіцця пацярпелы быў дастаўлены ў бальніцу для абследавання. Справу перадалі чэшскай паліцыі, якая зараз высвятляе акалічнасці нападу.
Першапачаткова СМІ паведамлялі пра поўнае спыненне велапрабегу і вяртанне мужчыны дадому, аднак пасля некалькіх гадзін у паліцэйскім пастарунку Хэйсіг працягнуў маршрут.
Публікацыя інфармацыі пра збіццё выклікала ўсплёск ахвяраванняў на платформе Pomagam.pl, дзякуючы чаму ўся сума на лячэнне была сабрана за адну ноч са значным перавышэннем.
Паводле выдання LIGA.net, у першай палове 2026 года польская паліцыя зарэгістравала 180 паведамленняў аб злачынствах на глебе нянавісці ў дачыненні да ўкраінцаў, што на 30 працэнтаў больш за аналагічны перыяд мінулага года.
«Наша Нiва» — бастыён беларушчыны
ПАДТРЫМАЦЬЦяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс12
Віктар Лукашэнка засвяціў на пасяджэнні НАК свой гадзіннік — цяжкі люкс
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю77
Каментары