Зяленскі ўвёў санкцыі супраць сваёй былой прэс-сакратаркі Юліі Мендэль. Яе вінавацяць у прарасійскай прапагандзе
Прэзідэнт Украіны зацвердзіў рашэнне Рады нацыянальнай бяспекі і абароны аб увядзенні персанальных абмежаванняў супраць сваёй былой афіцыйнай прадстаўніцы. Падставай для ўключэння ў санкцыйныя спісы разам з расійскім ваенна-прамысловым комплексам сталі публічныя заявы экс-чыноўніцы, якія ў Кіеве кваліфікавалі як дэзынфармацыю і падтрымку агрэсіўнай палітыкі Масквы.
Паводле інфармацыі выдання «Українська правда», 13 верасня Уладзімір Зяленскі падпісаў указ, якім увёў у дзеянне рашэнні РНБА. У адным з дакументаў, накіраваных супраць асоб, што апраўдваюць расійскую агрэсію, фігуруе грамадзянка Украіны Юлія Мендэль 1986 года нараджэння. Разам з ёй пад абмежаванні трапілі яшчэ дзевяць расійскіх і ўкраінскіх грамадзян, якія распаўсюджваюць прапаганду і падтрымліваюць дзеянні Расіі.
Юлія Мендэль займала пасаду прэс-сакратара прэзідэнта Украіны з чэрвеня 2019 па ліпень 2021 года. Пасля звальнення яна адзначылася шэрагам скандальных выказванняў, кульмінацыяй якіх стала інтэрв'ю амерыканскаму вядоўцу Такеру Карлсану ў маі 2026 года. У ім Мендэль без спасылак на канкрэтныя доказы абвінаваціла Зяленскага ў адмыванні грошай і ўжыванні наркотыкаў, а былога кіраўніка Офіса прэзідэнта Андрэя Ермака — у занятках чорнай магіяй, паходах на могілкі і выкарыстанні «мёртвай вады». Яна таксама сцвярджала, што вясной 2022 года на перамовах у Стамбуле ўкраінская дэлегацыя нібыта была гатовая пагадзіцца на ўсе патрабаванні Расіі дзеля спынення вайны.
Акрамя персанальных санкцый супраць публічных асоб, новыя ўказы Зяленскага тычацца расійскай лагістыкі і ваеннага сектара. Абмежаванні ўведзеныя супраць 20 марскіх суднаў расійскага «ценявога флоту», якія выкарыстоўваюцца для экспарту нафты, нафтапрадуктаў і звадкаванага газу.
Таксама ў санкцыйныя спісы ўключаныя 29 расійскіх грамадзян і 29 кампаній, звязаных з дзяржкарпарацыяй «Растэх». Сярод іх апынуліся прадпрыемствы, якія пастаўляюць высокадакладнае абсталяванне і электроніку для вытворчасці ракет і дронаў, навукова-даследчыя арганізацыі ВПК і вытворцы тавараў двайнога прызначэння. Асобна пад санкцыі трапілі ІТ-кампаніі, што ствараюць праграмныя прадукты для збору даных і шыфравання, а таксама навучальная ўстанова, якая рыхтуе кадры для канцэрна «Калашнікаў». Афіцыйны Кіеў плануе перадаць усю сабраную інфармацыю заходнім партнёрам для сінхранізацыі санкцыйнага ціску ў міжнародных юрысдыкцыях.
Цяпер чытаюць
У Мінску прадаюць дом на вадзе. Колькі просяць за незвычайны аб'ект на Чыжоўскім вадасховішчы?3
Каментары
1. Не совсем понятно, как должны были выглядеть доказы. Что-то вроде ДНК на курительных трубках для крэка?
2. А паважаная рэдакция не цi не пераблытала интервью с судебным процессом?
3. Постойте, но ведь даже в судебном процессе прямые свидетельства очевидца - это они самые и есть, канкрэтныя доказы! Прям самая мякоть канкрэтных доказаў.
4. Т.е. прямые свидетельства официального должностного лица, данные без принуждения и открыто в прессе демократического государстава - это не ОК. А сведения "анонимных источников" антитрампистской прессы, вываливаемые на страницах уважаемой НН в промышленных количествах в виде безапеляционных заголовков - это ОК. Канкрэтных доказаў дастаткова ў тых ананiмных крынiцах?
Калі яны вінаватыя ці падазраваныя - супроць іх адкрываюць крымінальныя справы і судзяць.