Ministerstva justycyi prypyniła na dva miesiacy licenziju TAA «Ryełteks» na ažyćciaŭleńnie ryełtarskaj dziejnaści. Rašeńnie pryniata paśla taho, jak vyśvietliłasia, što ryełtarskija pasłuhi klijentu akazvała asoba, jakaja nie była supracoŭnikam hetaj arhanizacyi, piša Office Life.
Licenzija kampanii budzie prypynienaja z 15 vieraśnia da 15 listapada 2026 hoda. U hety pieryjad «Ryełteks» nie maje prava akazvać ryełtarskija pasłuhi. Klijenty kampanii pry hetym mohuć u adnabakovym paradku skasavać zaklučanyja ź joj damovy.
Ministerstva taksama pryniało miery ŭ dačynieńni da kiraŭnictva kampanii i ryełtara, jaki pavinien byŭ pracavać z klijentam. Mienavita skarha klijenta stała padstavaj dla praviadzieńnia pravierki i prymianieńnia sankcyj.
U apošnija miesiacy Miniust uzmacniŭ kantrol za dziejnaściu ryełtarskich arhanizacyj. U pačatku vieraśnia byli prypynienyja licenzii ahienctvaŭ nieruchomaści «Ekśpiert» i «Tvoj dom».
U žniŭni takija miery prymianialisia da ahienctvaŭ «ERA-Nieruchomaść», BIEŁCN i «VSP nieruchomaść-Inviest». A staličnaje ahienctva «Atłas nieruchomaści» Miniust pazbaviŭ licenzii paśla paŭtornych parušeńniaŭ.
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary