Mužčyna zrabiŭ zvanok ź Biełarusi praź sietku litoŭskaha apieratara. Jak heta atrymałasia?
Jon padklučyŭsia da sietki zamiežnaha apieratara, nie pakidajučy Biełaruś.
19 žniŭnia jon ruchaŭsia na aŭtamabili z boku haradskoha pasiołka Vidzy ŭ napramku horada Pastavy. U rajonie vioski Ždziahieli jon zrabiŭ zvanok, jaki doŭžyŭsia adnu chvilinu, piša Onliner.by.
Jak tolki zvanok skončyŭsia, na ekranie jaho smartfona źjaviłasia paviedamleńnie ad biełaruskaha apieratara, što mužčyna padklučyŭsia da sietki litoŭskaj kampanii. Krychu paźniej — apaviaščeńnie, što jon byccam by pierasiok miažu pamiž Biełaruśsiu i Litvoj.
Pa słovach mužčyny, uvieś hety čas jon znachodziŭsia ŭ Biełarusi, jaho zvanok zaviaršyŭsia ŭ 16:00, A SMS pra padklučeńnie da apieratara Bite jon atrymaŭ u 16:03. Zvanok praciahłaściu ŭ chvilinu abyšoŭsia mužčynu ŭ 13 rubloŭ i 56 kapiejek.
U redakcyju Onliner.by biełarus źviarnuŭsia z pytańniem, čamu takaja historyja adbyłasia i čamu apieratar nie stvaryŭ ałharytm zabarony dla pierachodu na sietki Litvy dla aŭtamabilistaŭ.
Žurnalisty źviarnulisia ŭ MTS pa kamientar:
— Padklučeńnie da sietki zamiežnaha apieratara pablizu miažy abumoŭlena abjektyŭnymi fizičnymi ŭłaścivaściami raspaŭsiudžvańnia sihnału: radyjochvali nie abmiežavanyja dziaržaŭnaj miažoj, i ŭ asobnych pryhraničnych kropkach sihnał zamiežnaj sietki moža apynucca dastupnym dla pryłady.
Smartfon pastajanna skanuje efir i vybiraje bazavuju stancyju, kirujučysia ŭłasnymi ałharytmami. U vypadku padklučeńnia pryłady da bazavaj stancyi zamiežnaha partniora trafik apracoŭvajecca jaho infrastrukturaj, tamu takija złučeńni taryfikujucca pa ŭmovach roŭminhu. Pry hetym abanient atrymlivaje pryvitalnaje apaviaščeńnie, a na ekranie smartfona źjaŭlajecca najmieńnie roŭminhavaj sietki.
U apisanym vypadku karystalnik zarehistravaŭsia ŭ zamiežnaj sietcy ŭ 16:00:16, paśla čaho ŭ 16:00:23 pačaŭ hałasavy vyklik, tamu apaviaščeńnie było paśpiachova dastaŭlena na pryładu adrazu paśla zaviaršeńnia zvanka. Rekamiendujem abanientam, jakija byvajuć u pryhraničnych rajonach, pieravodzić telefon u režym ručnoha vybaru sietki — heta dazvolić vyklučyć aŭtamatyčnuju rehistracyju ŭ roŭminhu i paźbiehnuć niepradbačanych vydatkaŭ.
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary