Urad Biełarusi zaćvierdziŭ mižuradavaje pahadnieńnie z Kyrhyzstanam ab uzajemnym pryznańni i abmienie nacyjanalnych paśviedčańniaŭ na kiravańnie aŭto. Adpaviednuju pastanovu padpisaŭ premjer-ministr Biełarusi Alaksandr Turčyn.
Heta pahadnieńnie Biełaruś i Kyrhyzstan padpisali 5 červienia 2026 hoda ŭ Biškieku padčas aficyjnaha vizitu Alaksandra Turčyna ŭ Kyrhyzstan.
Zhodna z dakumientam, baki ŭzajemna pryznajuć paśviedčańni kiroŭcaŭ, vydadzienyja adpaviednymi orhanami dźviuch krain.
Taksama hramadzianie Biełarusi i Kyrhyzstana atrymajuć mahčymaść abmieńvać nacyjanalnyja paśviedčańni kiroŭcaŭ na miascovyja biez zdačy tearetyčnaha i praktyčnaha ekzamienaŭ. Adnak skarystacca z hetaj mahčymaści možna budzie paśla atrymańnia dazvołu na pastajannaje pražyvańnie.
Pavodle pres-słužby biełaruskaha ŭrada, pytańnie ab uzajemnym pryznańni paśviedčańniaŭ kiroŭcaŭ dźviuch krain prapracoŭvałasia niekalki hadoŭ.
Raniej Vienskaja kanviencyja ab darožnym ruchu dazvalała vykarystoŭvać nacyjanalnyja pravy na terytoryi Biełarusi i Kyrhyzstana. Adnak pry abmienie pravoŭ na miascovyja ŭ aŭtamabilistaŭ časam uźnikali prablemy, u tym liku nieabchodnaść paŭtorna zdavać ekzamieny.
Novaje pahadnieńnie pavinna spraścić praceduru abmienu paśviedčańniaŭ kiroŭcaŭ i likvidavać źviazanyja z hetym administracyjnyja pieraškody. Heta asabliva aktualna dla hramadzian, jakija pierajazdžajuć u inšuju krainu na praciahły termin abo płanujuć pracavać kiroŭcami.
Ciapier čytajuć
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka5
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary