«Ja siadžu z Pratasievičam. Pipiec!» Niaviesta Ramana Pratasieviča raskazała historyju ich znajomstva
Anastasija Łabazanava, niaviesta viadučaha STB i «raźviedčyka» Ramana Pratasieviča, apublikavała ŭ tyktoku historyju ich adnosin. Losavyznačalnaja sustreča adbyłasia ŭ bary, a pieršaj temaj dla razmovy stała «Bitva ekstrasensaŭ».
Anastasija kaža, što šmat chto ź jaje znajomych «u šoku», što jana razam z Pratasievičam. Jana ŭspaminaje, što ich paznajomiŭ ahulny znajomy. Kali jana daviedałasia, što ŭ kampanii budzie Pratasievič, jaje pieršaj reakcyjaj było mocnaje ździŭleńnie.
«Ja takaja: «Pratasievič? U sensie? Realna?» — raspaviadaje dziaŭčyna.
Jana tłumačyć svaje emocyi tym, što Raman — «viadomaja asoba»:
«Dahetul, kali my hulajem pa vulicy z Romam, vielmi šmat ludziej da jaho pa hety dzień padychodziać, niekatoryja navat prosiać ź im sfatahrafavacca. Ja za ŭsim hetym naziraju i razumieju, što Romu praktyčna viedajuć usie».
Dziaŭčyna kaža, što była vielmi ŭražana sustrečaj. «Kali my pryjšli ŭ hety bar, ja jaho ŭbačyła. Viadoma, ja tak ździviłasia: «Afihieć, ja siadžu z Pratasievičam! Pipiec, jak heta tak?» Mnie zdajecca, u luboha była b takaja ž reakcyja. I tak my i paznajomilisia. Jak by pieršaja sustreča adbyłasia tak čysta: «Pryvitańnie-pryvitańnie», «O, kłas, Roma», tudy-siudy, «ty — małajčyna!»
Tady znosiny abmiežavalisia prostym pryvitańniem, ale nieŭzabavie jany apynulisia ŭ adnym ahulnym čacie znajomych, dzie abmiarkoŭvali roznyja temy 24/7.
Pieršy asabisty dyjałoh pačaŭsia pa inicyjatyvie Anastasii. Jana napisała Ramanu, i jany stali abmiarkoŭvać «Bitvu ekstrasensaŭ» — jany aboje zachaplajucca ezaterykaj, kartami Taro i h. d.
Byŭ pierapynak u adnosinach na miesiac, pakul jany znoŭ nie sustrelisia na dni naradžeńnia siabra. Tam siabroŭka Anastasii zaŭvažyła, što Raman nie zvodzić ź dziaŭčyny vačej. Kali Anastasija viartałasia dadomu, jana atrymała ad Ramana paviedamleńnie: «Naścia, mnie zdajecca, ci ja tabie padabajusia?»
Što było dalej, dziaŭčyna nie paviedamlaje — jana abiacaje druhuju častku.
Nastaśsia — miedrabotnik i tarołah, pracavała ŭ elitnaj klinicy «Miersi». Da hetaha Raman dvojčy žaniŭsia z Marharytaj Hryckievič. Taja skončyła Minski miedycynski ŭniviersitet i niekatory čas pracavała pravizarkaj-receptarkaj u minskaj aptecy, a taksama rabiła raskłady na kartach taro.
Kamientary