Biełarus schavaŭ 5 tysiač jeŭra ŭ pačak survetak i tak jechaŭ praź miažu
Biełarus, jaki ŭjazdžaŭ ź Litvy, pasprabavaŭ schavać ad mytnaha kantrolu 5 tysiač jeŭra. 44‑hadovy mužčyna jechaŭ na lehkavym aŭtamabili FIAT i pierasiakaŭ miažu praz punkt propusku «Bieniakoni». Dla hetaha jon vybraŭ zialony kalidor, pryznačany dla tych, chto nie maje tavaraŭ abo hrošaj, jakija treba dekłaravać, paviedamlaje Dziaržaŭny mytny kamitet.
Padčas vusnaha apytańnia mužčyna paviedamiŭ mytniku, što maje pry sabie 5,5 tysiačy jeŭra i 200 biełaruskich rubloŭ. Adnak hetaja infarmacyja čamuści vyklikała padazreńni ŭ inśpiektara.
Padčas pravierki ŭ barsietcy znajšli ŭpakoŭku ź vilhotnymi survetkami. Unutry jaje byli schavanyja jašče 5 tysiač jeŭra, pra jakija mužčyna nie paviedamiŭ.
Hrošy kanfiskavali. Hrodzienskaja rehijanalnaja mytnia pačała ŭ dačynieńni da mužčyny administracyjny praces.
Pavodle biełaruskaha zakanadaŭstva, za adzin raz u Biełaruś biez dekłaravańnia možna ŭvozić tolki sumy, jakija nie pieravyšajuć 10 tysiač dalaraŭ u ekvivalencie.
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary