Ceny na nieruchomaść u Minsku dasiahnuli čarhovaha rekordu
Užo $2295 za mietr — i ceny praciahvajuć raści.
Rekord za rekordam
Pavodle padlikaŭ Realt.by, siaredni košt mietra ŭ stalicy pa prapanovach amal dasiahnuŭ adznaki 2500 dalaraŭ ($2499). Za hod jon vyras na 30%.
Pa realnych ździełkach ceny taksama padraśli. Pa vynikach žniŭnia za kvadrat u Minsku ŭ siarednim płacili amal 2300 dalaraŭ ($2295). Heta na 1000 dalaraŭ za mietr bolš, čym było čatyry hady tamu, u žniŭni 2022-ha.
Pry hetym nazirajecca tendencyja, kali ceny rastuć, a kolkaść ździełak, naadvarot, mienšaje. Za žnivień u stalicy było 1180 ździełak, što na 5% mienš, čym u lipieni. Kali paraŭnoŭvać sa žniŭniem 2025 hoda, to kolkaść ździełak u Minsku skaraciłasia bolš čym na 20%.
Jašče adna cikavaja tendencyja kryjecca ŭ tym, što mienšaje roźnica pamiž canoj prapanovy i cenami ŭ realnych ździełkach. Pa vynikach žniŭnia jana składaje 8%, choć jašče ŭ pačatku hoda składała kala 13—14%.
Što było paśla papiarednich rekordaŭ?
Kali hladzieć na bolš praciahłuju historyju cen na nieruchomaść, to papiaredni pik koštaŭ prychodziŭsia na vierasień 2013 hoda, kali realny košt mietra ŭ Minsku dasiahnuŭ 1765 dalaraŭ.
Tady kala hoda mietr pa realnych ździełkach trymaŭsia na ŭzroŭni kala 1700 dalaraŭ. Paśla ceny pačali padać, i ŭ vyniku toj rekordny ŭzrovień byŭ paŭtorna dasiahnuty tolki praz 12 hadoŭ — letam 2025 hoda.
Ciapier čytajuć
Deputatka, jakaja rychtuje pryhažuń dla Łukašenki, vyjšła zamuž14
Kamientary