Va Ukrainie źviazali rasijskija ataki na svaje zachodnija vobłaści z retranślatarami na terytoryi Biełarusi
Pres-sakratar Dziaržaŭnaj pamiežnaj słužby Ukrainy Andrej Dziemčanka zajaviŭ, što Biełaruś znoŭ uklučaje retranślatary na svajoj terytoryi, jakija, pavodle jaho słoŭ, dapamahajuć rasijskim bieśpiłotnikam atakavać Ukrainu.
Andrej Dziemčanka raspavioŭ, što Biełaruś aktyŭna dapamahaje Rasii ŭ abstrełach ukrainskaj terytoryi. Na biełaruskaj terytoryi ŭklučajucca retranślatary, jakija ŭzmacniajuć sihnał dla rasijskich dronaŭ typu Shahed i «Hierbiera».
Pavodle jaho słoŭ, bieśpiłotniki, jakija zachodziać z terytoryi Rasii, trymajucca pablizu biełaruskaj miažy, kab atrymlivać hety sihnał i dziakujučy jamu mieć mahčymaść dalacieć dalej uhłyb Ukrainy.
Jak zajaviŭ pradstaŭnik ukrainskaj pamiežnaj słužby, takim čynam rasijskija vojski atakujuć zachodnija vobłaści Ukrainy — Rovienskuju, Lvoŭskuju i Vałynskuju. Pavodle jaho słoŭ, z dapamohaj biełaruskich retranślataraŭ rasijskim bieśpiłotnikam udałosia atakavać punkt propusku «Jahadzin» u Vałynskaj vobłaści na miažy z Polščaj.
13 vieraśnia rasijski bieśpiłotnik atakavaŭ čyhunačnuju infrastrukturu kala punkta propusku «Jahadzin — Darahusk». Dron trapiŭ u łakamatyŭ pasažyrskaha ciahnika, jaki ruchaŭsia z Kijeva ŭ Varšavu.
Dziemčanka taksama zajaviŭ, što na terytoryi Biełarusi kala ŭkrainskaj miažy ciapier niama rasijskaj udarnaj hrupoŭki, jakaja była b padrychtavanaja da mahčymaha ŭvarvańnia va Ukrainu.
Pytańnie biełaruskich retranślataraŭ užo ŭzdymałasia ŭkrainskimi ŭładami raniej. 21 červienia prezident Ukrainy Uładzimir Zialenski zajaviŭ, što jaho publičnaje patrabavańnie da Minska demantavać abstalavańnie, jakoje rasijskija vajskoŭcy vykarystoŭvajuć dla atak pa Ukrainie, stała apošnim etapam. Da hetaha, pavodle jaho słoŭ, Kijeŭ nieadnarazova praz raźviedvalnyja kanały pieradavaŭ Alaksandru Łukašenku infarmacyju ab nieabchodnaści spynić techničnuju padtrymku hetaj sistemy.
24 červienia Zialenski paviedamiŭ, što retranślatary ŭ Biełarusi, jakija vykarystoŭvalisia dla karektavańnia ŭdaraŭ rasijskaha vojska pa Ukrainie, bolš nie pracujuć.
Adnak 30 červienia były hałoŭnakamandujučy Uzbrojenych sił Ukrainy Alaksandr Syrski zajaviŭ, što hetyja retranślatary na terytoryi Biełarusi nie byli demantavanyja.
Na poŭdni Biełarusi znoŭ zapracavali retranślatary dla naviadzieńnia rasijskich dronaŭ
Daradca Minabarony Ukrainy: Retranślatary ŭ Biełarusi ŭsio adno vykarystoŭvajucca dla atak na Ukrainu
Pucin: U Łukašenki niama paniki praz vokryki Zialenskaha
«Toje, što jany robiać, heta i adpaviadaje intaresam». Paźniak pachvaliŭ Łukašenku ŭ situacyi z ultymatumam Zialenskaha
Sieviaryniec pra ŭltymatum Zialenskaha: Za paru dzion možam apynucca ŭ situacyi, jakuju jašče niadaŭna ličyli małajmaviernaj
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary