Sieviaryniec pra ŭltymatum Zialenskaha: Za paru dzion možam apynucca ŭ situacyi, jakuju jašče niadaŭna ličyli małajmaviernaj
«Ale niezaležna ad taho, jaki scenar nas čakaje — lepšy, horšy ci niejki pramiežkavy, — siońnia biełarusam patrebnyja dźvie rečy».
Palityk i były palitviazień Pavieł Sieviaryniec vykazaŭsia pra ŭltymatum prezidenta Ukrainy Uładzimira Zialenskaha da Łukašenki.
«My čytajem, što Łukašenka źbirajecca ŭ dalokuju zamiežnuju pajezdku i zapeŭnivaje, što chvalavacca niama pra što. Ale ja baču čałavieka, jaki pierad mahčymaj niebiaśpiekaj nibyta ŭžo rychtujecca da niejkaha inšaha scenaru», — kazaŭ jon padčas prezientacyi svajoj knihi.
«I vielmi moža być, što litaralna praź niekalki dzion my apyniomsia ŭ situacyi, pra jakuju jašče niadaŭna dumali jak pra małavierahodnuju. Heta moža być vajna. Heta moža być kałaps režymu. Heta moža być sproba jašče bolš hłybokaha pahłynańnia Biełarusi Rasijaj. Siońnia nivodny z hetych scenaroŭ užo nie vyhladaje niemahčymym. U najlepšym vypadku nam daviadziecca rychtavacca da taho, kab budavać sapraŭdy niezaležnuju Biełaruś. U najhoršym — biełarusam unutry krainy, mahčyma, daviadziecca sutyknucca z tym, što ŭžo pieražyli ŭkraincy: z vajnoj, antyrasiejskim supracivam i baraćboj za svaju ziamlu.
Ale niezaležna ad taho, jaki scenar nas čakaje — lepšy, horšy ci niejki pramiežkavy, — siońnia biełarusam patrebnyja dźvie rečy. Pa-pieršaje, malitva i ŭnutranaja stojkaść. Pa-druhoje, hatoŭnaść da vialikich vyprabavańniaŭ i vialikaj adkaznaści. Bo historyja moža pastukać u dźviery značna raniej, čym my čakajem.
I kali nas čakaje vajna, i kali raptam pryjdzie svaboda — a historyja viedaje niamała prykładaŭ, kali, zdavałasia b, niepachisnyja režymy kštałtu pucinskaha ci łukašenkaŭskaha abvalvalisia litaralna za ličanyja hadziny, — nam usio adno daviadziecca ŭziać na siabie vialikuju adkaznaść. Pryčym my, biełarusy za miažoj, možam zrabić siońnia značna bolš, čym časta sami sabie ŭjaŭlajem. Tut, u Litvie i ŭ inšych krainach, my majem bolš mahčymaściaŭ dla arhanizacyi, dla padtrymki adno adnaho, dla pracy na budučyniu Biełarusi. I tamu adkaznaść na nas kładziecca asablivaja. Tamu, darahija siabry, nam ciapier patrebna bolš zhurtavanaści i bolš adzinstva», — kaža Pavieł.
19 červienia Uładzimir Zialenski vystaviŭ ultymatum Alaksandru Łukašenku — ciaham tydnia demantavać u Homielskaj i Bresckaj abłaściach abstalavańnie na mačtach suviazi, jakoje dazvalaje rasijskaj armii kiravać dronami-kamikadze ŭhłyb ukrainskaj terytoryi. U vypadku admovy ŭkrainski prezident, što Ukraina źniščyć hetyja retranślatary samastojna.
Łukašenka adreahavaŭ na heta 23 červienia — zaklikaŭ žycharoŭ Homielščyny nie chvalavacca z-za ŭltymatumu i abviaściŭ, što jedzie na doŭhi čas za miažu.
-
Kaleśnikava: Vajna, jakuju pačała Rasija, nie prosta suprać Ukrainy. Heta vajna suprać jeŭrapiejskich kaštoŭnaściaŭ
-
Što ciapier ź italjanskimi vizami? Masavyja admovy? Turfirmy nazyvajuć alternatyvu
-
Niamiecki deputat z prarasijskaj partyi pryviazie ŭ Biełaruś pradstaŭnikoŭ «Alternatyvy dla Hiermanii»
Ciapier čytajuć
Što ciapier ź italjanskimi vizami? Masavyja admovy? Turfirmy nazyvajuć alternatyvu4
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
Što heta za varyjant, u jakim vypadku takoje stanovicca mahčymym?
Voś i nie mierkavaŭ ja, što i mnie, razam z usioj krainaj, pryjdziecca ŭdzielničać u filmie Bryljantavaja ruka. Pamiatajecie, jak Lolik, źviartajučysia da svajho saŭdzielnika pramaŭlaje znakamituju frazu: "Spokojno, Kozłodojev! Siadiem usie! ... Ja ustrietił vas i usio byłoje..."