U Hrodnie dziciačy sadok pierarabili ŭ žyły dom — voś jak vyhladaje
Budynku było bolš za 100 hadoŭ.
U centry Hrodna nieŭzabavie źjavicca jašče adzin žyły dom. U žyllo pieratvaryŭsia były dziciačy sad na vulicy Vasilka, piša Newgrodno.by.
Budynku było bolš za 100 hadoŭ. Ale apošnim časam jon stajaŭ biez spravy. Tamu budynak vystavili na aŭkcyjon: novy ŭłaśnik pryniaŭ rašeńnie źmianić pryznačeńnie abjekta i rekanstrujavać jaho. Ale, pa sutnaści, dom razabrali, a zatym pabudavali nanova.
Staruju cehłu pry hetym vykarystali. Ź jaje, jak bačna na fatahrafijach, uźviali častku ścien.
Budynak staŭ bolšym u abjomie. Jamu dadali, u pryvatnaści, mansardavy pavierch. Źjaviŭsia i padvał, u jakim abstalujuć spartyŭnuju zału.
Viadoma, što ŭnutry raźmieściacca šeść kvater volnaj płaniroŭki. Praŭda, infarmacyi pra mietraž i košt žylla pakul u adkrytych krynicach niama.
Raboty praciahvajucca nie tolki na samim budynku. Pačali budaŭniki i dobraŭparadkavańnie terytoryi. Kala doma abstalujuć parkoŭku dla žycharoŭ.
Kamientary