U Biełarusi znajšli novy dla navuki vid miksamicetaŭ, abo ślizievikoŭ. Jaho znajšli ŭ Nacyjanalnym parku «Naračanski» na hniłoj draŭninie jaliny kala vioski Alševa. Pra heta paviedamiŭ telehram-kanał Instytuta ekśpierymientalnaj bataniki Nacyjanalnaj akademii navuk Biełarusi.
Novy vid atrymaŭ navukovuju nazvu Lycogala umbrinum. Znachodku zrabili supracoŭniki łabaratoryi mikałohii. Kab paćvierdzić, što havorka sapraŭdy idzie pra raniej nieviadomy navucy vid, spatrebiłasia daśledavańnie mižnarodnaj hrupy navukoŭcaŭ.
U jaje skład uvajšli biełaruskaja daśledčyca Alena Maroz, a taksama navukoŭcy z Hiermanii i Narviehii.
Vučonyja nie abmiežavalisia vyvučeńniem źniešniaha vyhladu arhanizma. Jany praviali padrabiaznyja marfałahičnyja daśledavańni z dapamohaj śvietłavoj i skanavalnaj elektronnaj mikraskapii, a taksama hienietyčny analiz. Akramia taho, daśledčyki vyvučyli fiłahienietyčnyja suviazi — toje, jakoje miesca novy vid zajmaje siarod rodnasnych arhanizmaŭ.
Paśla praviadzieńnia ŭsich daśledavańniaŭ Lycogala umbrinum zarehistravali ŭ mižnarodnaj bazie danych MycoBank pad numaram 857829.
Miksamicety, jakich taksama nazyvajuć ślizievikami, daŭno cikaviać navukoŭcaŭ svaimi niezvyčajnymi zdolnaściami. Naprykład, raniej daśledčyki vyvučali Physarum polycephalum — arhanizm, jaki nie maje mozhu i niervovaj sistemy, ale zdolny znachodzić najkaraciejšy šlach u łabiryncie, nie viartacca na ŭžo daśledavanyja ŭčastki i stvarać efiektyŭnyja sietki, padobnyja da čyhunačnaj sistemy.
Navukoŭcy praciahvajuć dyskutavać, ci možna ličyć takija pavodziny svojeasablivaj prymityŭnaj formaj pamiaci abo intelektu.
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary