Supracoŭnik łabaratoryi mikołahii Instytuta ekśpierymientalnaj bataniki imia Kupreviča NAN Biełarusi Jaŭhien Maroz padčas navukovaj ekśpiedycyi znajšoŭ dva vielmi redkija dla našaj krainy vidy miksamicetaŭ (ślizievikoŭ): Siphoptychium violaceum i Dictydiaethalium plumbeum.
Hetyja arhanizmy byli adznačanyja tolki na terytoryi nacyjanalnych parkaŭ «Biełaviežskaja pušča» i «Naračanski», što ŭžo śviedčyć pra vyklučnuju ekałahičnuju kaštoŭnaść.
Asablivuju cikavaść vyklikaje vid Siphoptychium violaceum — heta arhanizm, redki navat u suśvietnym maštabie, jaki sustrakajecca ŭ vielmi abmiežavanaj kolkaści miescaŭ.
Navukoŭcy padkreślivajuć, što heta adkryćcio čarhovy raz paćviardžaje ŭnikalnaść biełaruskich zapaviednych terytoryj i važnaść ich zachavańnia ŭ naturalnym stanie.
Miksamicety, abo ślizieviki, — heta asablivaja hrupa arhanizmaŭ, jakaja nie adnosicca ni da hryboŭ, ni da žyvioł. Jany vielmi adčuvalnyja da stanu navakolnaha asiarodździa i słužać svojeasablivymi bijaindykatarami zdaroŭja lesu. Kali ŭ peŭnaj miascovaści znachodziać redkija vidy hetych arhanizmaŭ, heta značyć, što ekasistema tam zachavałasia amal niekranutaj čałaviekam.
«ZŠA chočuć narmalizacyi litoŭska-biełaruskich adnosin. Adsiul i ruchi z ofisam Cichanoŭskaj»9
Kamientary