Achvotnym pajechać pa biaźvizie ŭ Mjanmu treba być akuratnymi z mabilnymi telefonami
Biełarusam, jakija płanujuć pajezdku ŭ Mjanmu, ź jakoj niadaŭna byŭ ustanoŭleny biaźvizavy režym, varta ŭličvać novyja praviły ŭvozu mabilnych telefonaŭ, papiaredžvaje Nacyjanalnaje ahienctva pa turyźmie.
Ułady Mjanmy ŭzmacnili kantrol za vykarystańniem zamiežnych smartfonaŭ. Inšaziemcy, jakija pryjazdžajuć u krainu z telefonami, što raniej nie pracavali ŭ miascovych mabilnych sietkach, pavinny zarehistravać svaje pryłady ŭ Centralnym rejestry identyfikacyi abstalavańnia (CEIR).
Praz mjanmanskija mižnarodnyja aeraporty Janhona, Niejpjido i Mandałaja pasažyram dazvalajecca ŭvozić nie bolš za dva mabilnyja telefony na praciahu hoda. U hetuju kolkaść uvachodzić i toj aparat, jakim čałaviek karystajecca padčas ujezdu ŭ krainu.
Kali smartfon nie zarehistravany ŭ sistemie CEIR, jaho nieabchodna zadekłaravać na mytni. Dla hetaha turyst pavinien zapoŭnić pasažyrskuju dekłaracyju i paznačyć IMEI-numary ŭsich mabilnych pryład.
Kali niezarehistravanym telefonam karystacca ŭ Mjanmie bolš za 30 dzion, spatrebicca prajści dadatkovuju rehistracyju, zapłacić ustanoŭleny padatak i padać nieabchodnyja dakumienty. Kali hetaha nie zrabić, uładalniku smartfona moža pahražać štraf.
Dla rehistracyi spatrebiacca zajava ŭ CEIR, kopija pašparta, pasadačny tałon, avijabilet i aryhinał mytnaj dekłaracyi.
Novyja patrabavańni ŭviedzienyja dla kantrolu za vykarystańniem mabilnaha abstalavańnia ŭ krainie i baraćby ź nielehalnym uvozam telefonaŭ. Padarožnikam rekamiendujuć zahadzia pravieryć status svaich pryład pierad pajezdkaj u Mjanmu.
Pahadnieńnie miž Biełaruśsiu i Mjanmaj pra admienu viz nabyło moc 8 lipienia 2026 hoda. Ciapier hramadzianie Biełarusi ź dziejnymi nacyjanalnymi pašpartami zmohuć znachodzicca ŭ hetaj krainie nie bolš za 30 dzion zapar. Ahulny biaźvizavy termin znachodžańnia nie moža być bolšy za 90 dzion na praciahu hoda. Toje ž samaje tyčycca hramadzian Mjanmy — jany taksama zmohuć znachodzicca 30 dzion u Biełarusi bieź vizy.
Pry hetym varta ŭličvać, što Mjanma — adna z najbolš žorstka aŭtarytarnych i niedemakratyčnych krain nie tolki ŭ Azii, ale i ŭ śviecie. Tamu tym hramadzianam Biełarusi, jakija žyvuć pa-za miežami svajoj krainy i majuć padstavy aścierahacca palityčna matyvavanaha pieraśledu na radzimie, źjaŭlacca na jaje terytoryi vielmi ryzykoŭna.
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam
Kamientary