Pakul jaje imia nie nazyvajecca.
Hramadzianka Biełarusi była vyzvalena z centra anłajn-machlarstva ŭ Mjanmie i pieraviedziena ŭ mihracyjny centr tajłandskaha horada Mjavadzi. Pra heta paviedamiła rasijanka Hanna Ł., jakuju taksama vyzvalili z machlarskaha koł-centra i pieradali dypłamatam na terytoryju Tajłanda, piša TASS.
Pavodle słoŭ rasijanki, zaraz u mihracyjnym centry ŭ Mjavadzi znachodziacca kala 50 čałaviek, jakija čakajuć departacyi.
«U asnoŭnym heta ŭsio kitajcy. Niadaŭna pryvieźli 10 čałaviek vjetnamcaŭ i niekalki dzion tamu pryvieźli dziaŭčynu ź Biełarusi. Jana zaraz źviazvajecca z pasolstvam Biełarusi ŭ Vjetnamie. Jana ŭ biaśpiecy, ź joj usio dobra», — raspaviała jana. I dadała, što biełaruska ŭ mocnym stresie.
2 lipienia, hetuju krainu, dzie kiruje adzin z najbolš žorstkich u Azii aŭtarytarnych režymaŭ, z karotkim vizitam naviedaŭ Alaksandr Łukašenka. Potym stała viadoma, što Biełaruś adkryje pasolstva ŭ Mjanmie.
U minułym vieraśni Biełaruś skałanuła hučnaje źniknieńnie ŭ Mjanmie biełaruski Viery Kraŭcovaj.
Na momant źniknieńnia minčancy było 26 hadoŭ, jana pracavała madellu, lubiła padarožničać i, sa słoŭ jaje znajomych, była čałaviekam śvietu.
Niezadoŭha da adjezdu ŭ Aziju dziaŭčyna, jak raskazvała jaje babula Natalla, «z usimi asabista raźvitałasia», i z taho času siamja jaje bolš nie bačyła. Zhodna z aficyjnymi danymi, 20 vieraśnia Kraŭcova vylecieła ŭ Mjanmu z Tajłanda.
Apošni raz jana vychodziła na suviaź ź blizkimi 4 kastryčnika. Praź niekalki dzion u rasijskich ŚMI, biez spasyłak na jakija-niebudź aficyjnyja krynicy, pačała raspaŭsiudžvacca infarmacyja pra toje, što biełaruska stała achviaraj machlarskaha centra ŭ Mjanmie i była žorstka zabita. MZS Biełarusi paviedamiła tolki, što dakumienty ab śmierci dziaŭčyny byli padroblenyja. Bolš pra Kraŭcovu ničoha nie było viadoma.
-
Zialenski zajaviŭ, što Pucin zahadaŭ vajskoŭcam admovicca ad praviłaŭ viadzieńnia vajny padčas abstrełaŭ Ukrainy
-
Niaŭdałaja sproba pakarańnia śmierciu Krysty Pajk. Što adbyłosia i što budzie dalej?
-
Paŭdniovaja Kareja pahražaje pryniać miery, kali Ukraina nie vybačycca za razhałašeńnie pieradačy vajennapałonnych
Ciapier čytajuć
Pamiatajecie varjackuju honku ŭ Breście, padčas jakoj zahinuła troje? Na VIDEA z ekšn-kamiery matacyklista vidać, što jon razahnaŭsia da 186 km/h4
Kamientary
Vizu nie otkryť. Składy vb ozon na maskovii kłopy płatiat kopiejki tak i bieśpiełotniki tiepieŕ letajut
Vot i valat v Aziju tužie