Što viadoma pra 26‑hadovuju biełarusku Vieru, jakuju pradali na orhany ŭ Mjanmu

Rasijanka z Čyty, jakaja nibyta była pobač ź Vieraj i zdoleła ŭratavacca, raskazała telehram-kanału Mash usio, što čuła pra biełarusku. Maŭlaŭ, taja adhuknułasia na abjavu i pryjechała ŭ Tajłand, kab pracavać jak madel. Tam usio pajšło nie pa płanie, i 20 vieraśnia dziaŭčynu pieravieźli ŭ susiedniuju Mjanmu. Faktyčna biełarusku pradali ŭ rabstva, jana pavinna była pracavać u skam-centry. Tam dziaŭčaty madelnaj źniešnaści flirtujuć z mužčynami na sajtach znajomstvaŭ i ŭhavorvajuć tych ukłaści hrošy ŭ niejkija machlarskija prajekty.

Rasijanku nie ŭziali na pracu, bo jana nie pasavała pa źniešnaści — była z azijackimi rysami tvaru. A voś biełaruska adpaviadała patrabavańniam.

Što adbyłosia dalej — niezrazumieła. 4 kastryčnika suviaź ź Vieraj źnikła. Pa infarmacyi z rasijskich kanałaŭ (a jany havaryli tolki z toj rasijankaj z Čyty), baćkam Viery spačatku paviedamili, što jana zahinuła, i patrabavali za jaje cieła $500 tysiač. A praź niekalki dzion skazali, što dziaŭčynu kremiravali.

Dzie ŭ hetaj historyi praŭda, niezrazumieła. Asabliva kali ŭličyć, što dziaŭčyna była ŭ rukach prafiesijnych machlaroŭ.

Što viadoma pra Vieru?

Pavialičyć

Dziaŭčyna naradziłasia ŭ Minsku ŭ 1999 hodzie i skončyła škołu №85, paśla čaho pastupiła ŭ maładziečanskaje PTV. 

Jaje profil «Ukantakcie» za hety pieryjad poŭny typovych dla jaje ŭzrostu i času zdymkaŭ.

U 2014‑m Viera, na toj momant 15‑hadovaja dziaŭčyna, nabiła sabie pieršuju tatuiroŭku — ptušak na šyi. Jana skapiravała styl i miesca dla tatu z mamy, u jakoj jość takaja ž tatuiroŭka, tolki z łastaŭkami.

Pavialičyć

Nieviadoma, darečy, ci dobryja byli adnosiny ŭ jaje z mamaj, Volhaj.

Treba skazać, što sama Volha Kraŭcova taksama čałaviek ź niaprostym losam. Pa infarmacyi «Biełpoła», u toj čas, kali jaje dačce było piać hadoŭ, Volhu złavili ŭ Minsku ź mietadonam. Dali dva hady kałonii, ale z vyprabavalnym terminam. Jana pracavała miedsiastroj u chośpisie — a tam chvorym jakraz vydajuć preparaty z narkatyčnym składnikam.

Čałaviek, jakoha ŭ sacsietkach Viera nazyvaje tatam (nasamreč heta ajčym), maje sudzimaść za vyrab opiju.

Viera niejki čas była aficyjantkaj u kafe ŭ Minsku — naprykład, u «Haražy» (u 2016‑m jana publikavała siabie ź ich bejdžam). Taksama pracavała ŭ kafe Funhouse.

Pavialičyć

Dziaŭčyna chacieła prabicca na scenu, u 2017 sprabavała prajavić siabie na prasłuchoŭvańniach «Hołasu» — nie na aficyjnym kastynhu rasijskaha šou, a niejkaj kopii.

Pavialičyć

Viera i raniej užo byvała ŭ Azii. Upieršyniu trapiła ŭ 2018-m, praz Kitaj u Sinhapur. U kancy hoda viarnułasia, ale ŭžo ŭ 2019‑m palacieła nazad. U instahramie šmat fota z Kitaja za toj čas.

Vyhladaje, što ŭ Tajłand Viera pierabrałasia z Rasii. Na rasijskim sajcie znajomstvaŭ «Mamba» dahetul visić jaje ankieta jak žycharki Pieciarburha — biełaruska šukała chłopca 22‑-34 hadoŭ dla flirtu i spatkańniaŭ. Kazała, što maje niepastajannyja zarobki, lubić vypić i kuryć.

Pavialičyć

U kamientary pad apošni dopis Viery ŭ instahramie pryjšli jaje baćki. «Lubimaja maja, usio budzie dobra», — napisała maci 8 vieraśnia. «Doča, pryvitańnie. Ja ciabie lublu. U ciabie ŭsio atrymajecca», — dadaŭ ajčym Viery.

Va «Ukantakcie» dziaŭčyna zachodziła apošni raz 2 kastryčnika.

• 0
• 0
• 5
• 17
• 15
• 50
• 6
• 0