Niečakanyja adsyłki da Biełarusi niaredka źjaŭlajucca ŭ zamiežnym kiniematohrafie. Hetym razam svojeasablivaje pryvitańnie z našaj krainy znajšli ŭ papularnym tureckim sieryjale. Pra niezvyčajnuju detal raskazali ŭ Threads supracoŭniki telekanała «Biełaruś 4. Mahiloŭ», piša Tochka.by.
Biełaruski śled źjaviŭsia ŭ 60‑j sieryi pieršaha siezona kryminalnaha sieryjała «Čukur».
U adnoj z samych dramatyčnych scen surovy kamisar palicyi Emrach niečakana siadaje za fartepijana i pačynaje virtuozna vykonvać «Miesiacavuju sanatu» Bietchoviena.
Epizod zapomniŭsia prychilnikam sieryjała svajoj napružanaj atmaśfieraj i hulnioj akciora Ałpierena Dujmaza.
Ale ŭvažlivyja biełaruskija hledačy hladzieli nie tolki na hieroja. U kadry bujnym płanam pakazali lehiendarnaje fartepijana «Biełaruś», jakoje raniej vypuskali ŭ Barysavie, a siońnia vyrablajuć u Minsku.
Heta adsyłka vyklikała ažyŭlenaje abmierkavańnie ŭ Threads. Mnohija pryznalisia, što adrazu zaŭvažyli hety momant:
«Tak, ja adrazu zaŭvažyła, i jašče vielmi vyrazna pakazali heta».
«Ałpieren Dujmaz paśla hetaj sieryi — prosta moj pažyćciovy kraš».
«I ja adrazu takaja: oooo, rodnaje. Ja taksama adrazu zaŭvažyła».
A adna z karystalnic pad postam uspomniła inšy niečakany prykład źjaŭleńnia biełaruskaj pradukcyi ŭ zamiežnym kino.
Pavodle jaje słoŭ, jana nie raz zaŭvažała ŭ zamiežnych filmach i sieryjałach abrusy, firanki i inšy tekstyl, vyrableny na mahiloŭskim pradpryjemstvie «Mahateks».
«Čukur» časta nazyvajuć tureckim adkazam «Chrosnamu baćku». U centry siužeta — upłyvovaje siamiejstva Kačavały, jakoje kantraluje adnajmienny rajon na ŭskrainie Stambuła.
Siamja kateharyčna zabaraniaje handal narkotykami na svajoj terytoryi, praz što ŭstupaje ŭ supraćstajańnie z kankurentami.
Sieryjał vychodziŭ z 2017 pa 2021 hod, atrymaŭ niekalki prestyžnych televizijnych uznaharod i staŭ adnym z samych papularnych kryminalnych prajektaŭ u historyi tureckaha telebačańnia.
Dakumientalny film režysiora z Baranavičaŭ Andreja Kuciły pakažuć na Vieniecyjanskim kinafiestyvali
Na «Biełaruśfilmie» pačali zdymać moładzievy detektyŭ pa tvory Andreja Fiedarenki
Jak stvaraŭsia film «Zvyčajny prezident». Uspaminy Juryja Chaščavackaha
Biełarusy z Polščy pabyli ruskimi ŭ filmie, jaki ŭziaŭ pryz u Kanach. Stužcy praročać naminacyju na «Oskar»
Ciapier čytajuć
Łatvija «pa techničnych pryčynach» zakryła miažu ź Biełaruśsiu9
Kamientary