Pradstaŭnicu biełaruskaj arhanizacyi vyklučyli z Kansultacyjnaj rady NDA nacyjanalnych mienšaściaŭ Łatvii
Sa składu Kansultatyŭnaj rady NDA nacyjanalnych mienšaściaŭ Łatvii vyklučyli pradstaŭnicu «Sajuza biełarusaŭ Łatvii» Alenu Łazaravu. Takoje rašeńnie ŭdzielniki pasiadžeńnia pryniali šlacham hałasavańnia. Padstavaj stała infarmacyja, atrymanaja ad łatvijskaj słužby dziaržaŭnaj biaśpieki, piša Delfi.lv.
Zhodna z praviłami Kansultatyŭnaj rady, arhanizacyi i ich pradstaŭniki pavinny mieć biezdakornuju reputacyju, pavažać nacyjanalnyja kaštoŭnaści Łatvii i dziaržaŭnuju movu, a taksama nie znachodzicca pad mižnarodnymi abo nacyjanalnymi sankcyjami.
Pavodle infarmacyi słužby biaśpieki, niahledziačy na papiaredžańni pra mahčymyja ryzyki i rekamiendacyi ŭstrymacca ad peŭnych dziejańniaŭ, Łazarava praciahvała naviedvać «dziaržavu-ahresar» i ŭdzielničać u mierapryjemstvach, arhanizavanych jaje dziaržaŭnymi ŭstanovami.
Łatvijskija ŭłady paličyli, što ŭ ciapierašniaj hieapalityčnaj situacyi takija dziejańni pradstaŭnicy Kansultatyŭnaj rady nie adpaviadajuć intaresam Łatvii.
Ministr kultury krainy Naŭrys Puntulis zajaviŭ, što daviaraje acenkam łatvijskich orhanaŭ dziaržaŭnaj biaśpieki. Pavodle jaho słoŭ, atrymanaja infarmacyja śviedčyć pra mahčymyja pahrozy biaśpiecy. Jon nazvaŭ niedapuščalnym udzieł u pracy rady čałavieka, jaki ŭdzielničaje ŭ mierapryjemstvach, što finansujucca ŭładami dziaržavy-ahresara.
Puntulis taksama padziakavaŭ inšym členam savieta za adkaznaje staŭleńnie da atrymanaj infarmacyi i adznačyŭ važnaść supracoŭnictva pamiž uładami i niaŭradavymi arhanizacyjami.
Kansultatyŭnaja rada pradstaŭnikoŭ NDA nacyjanalnych mienšaściaŭ dziejničaje pry Ministerstvie kultury Łatvii. Jana źjaŭlajecca daradčym orhanam i zajmajecca pytańniami ŭdziełu NDA ŭ raźvićci hramadzianskaj supolnaści, etnapalityki, abarony pravoŭ nacyjanalnych mienšaściaŭ i zachavańnia ich kultury.
Rada taksama moža zapytvać u dziaržaŭnych orhanaŭ infarmacyju pra stanovišča nacyjanalnych mienšaściaŭ u Łatvii i pra palityčnyja dy zakanadaŭčyja inicyjatyvy, jakija zakranajuć ich intaresy. Skład rady zaćviardžaje ministr kultury, jaki adnačasova źjaŭlajecca jaje staršynioj.
Błohier Maksomietr pierajechaŭ z Łatvii ŭ Biełaruś, kupiŭ dom biez tualeta i skardzicca, što nikomu tut nie patrebny
U Łatvii nakryli hihanckuju padpolnuju fabryku pa vytvorčaści cyharet. Na joj pracavała šmat biełarusaŭ
U Łatvii prybiaruć darožnyja znaki, jakija ŭkazvajuć na Biełaruś i Rasiju
Siejm Łatvii padtrymaŭ novyja abmiežavańni na impart tavaraŭ ź Biełarusi i Rasii
Biełaruskaha Siniuju Baradu adpuścili z rasijskaj turmy pamirać doma6
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary
Kuča stran ES točno tak žie priedostavlała svoi bazy ili słali svoi kontinhienty dla napadienija na Irak, Liviju, Afhanistan, liš pri napadienii na Iran v osnovnom vozdieržaliś, kromie Britanii. Łatvija učastvovała v vojnach v Afhanisianie i Irakie,pritom nie paśsivno putiem priedostavlenija tierritorii,a posyłała tuda kontinhienty. I kto tut "hosudarstvo-ahriessor"?!