U Łatvii nakryli hihanckuju padpolnuju fabryku pa vytvorčaści cyharet. Na joj pracavała šmat biełarusaŭ
Padpolnaja vytvorčaść na zachadzie Łatvii pracavała na poŭnuju mahutnaść i mahła vypuskać kala 1,5 miljona cyharet za dzień. Byli praviedzieny 11 pieratrusaŭ i zatrymany 18 čałaviek, a dla likvidacyi fabryki navat raspracavali śpiecyjalny płan, paviedamlaje Delfi.lv.
Fabryka była abstalavana dźviuma vytvorčymi linijami dla vyrabu cyharet, dźviuma linijami dla ŭpakoŭki cyharetnych pačkaŭ i dźviuma ŭstanoŭkami dla ŭpakoŭki błokaŭ cyharet. Taksama na pradpryjemstvie znachodziłasia abstalavańnie dla drabnieńnia i suški tytuniovaha liścia, jakoje zabiaśpiečvała padrychtoŭku tytuniu dla vytvorčaści cyharet.
Pavodle papiarednich acenak, mahutnaść pradpryjemstva dazvalała vypuskać kala 1,5 miljona cyharet za dzień.
Na momant zatrymańnia na vytvorčych linijach vypuskalisia cyharety marak Marlboro Red i Rothmans Slim. U toj ža čas vyjaŭlenyja na fabrycy materyjały i ŭpakoŭka dajuć padstavy mierkavać, što tam taksama vyrablalisia padroblenyja cyharety inšych marak, u tym liku Winston i Marlboro Gold.
Cikava, što fabryka była całkam prystasavana dla pastajannaha pražyvańnia rabotnikaŭ. U pamiaškańniach byli abstalavanyja kuchnia, stvorany zapasy praduktaŭ charčavańnia, arhanizavany spalnyja miescy, ustanoŭleny pralnyja mašyny, a taksama dušavyja i sanitarnyja pamiaškańni.
Biełarusy, jakija pracavali na fabrycy, znachodzilisia ŭ poŭnaj izalacyi ad źniešniaha śvietu.
Usiaho byli zatrymany 18 čałaviek. U dačynieńni da 17 ź ich u jakaści miery strymańnia abrana zaklučeńnie pad vartu. Adnamu padazravanamu sud zamianiŭ aryšt zakładam.
Padčas pieratrusaŭ na fabrycy, źviazanym ź joj składzie i ŭ hruzavym aŭtamabili byli kanfiskavany syravina i materyjały, nieabchodnyja dla poŭnaha cykła vytvorčaści cyharet. Kanfiskavanyja pradmiety śviedčać pra toje, što złačynnaja hrupa była zdolnaja samastojna vykonvać usie etapy vyrabu i ŭpakoŭki cyharet.
Byli kanfiskavany tytuń, plonka, folha, papiera, klej, cyharetnyja filtry, narychtoŭki dla cyharetnych pačkaŭ i ŭpakoŭki cyharetnych błokaŭ. Usiaho kanfiskavana bolš za 4 000 skrynak z syravinaj dla vytvorčaści, 58 palet z materyjałami dla ŭpakoŭki pradukcyi, u tym liku bolš za 60 ton tytuniu, a taksama 2,4 miljona tolki što vyrablenych cyharet.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary
Toje samaje i ŭ Le-tuvie.