Siońnia na adzin siaredni zarobak u stalicy možna kupić 0,65 kv. m na druhasnym rynku žylla. Dla paraŭnańnia: 10 hadoŭ tamu siaredniaha zarobku chapiła b tolki na 0,46 «kvadrata». Jak źmianiałasia dastupnaść žylla ŭ Minsku, vyśviatlaŭ Realt.by.
Dla hetaha analityki partała vyvučyli, jak z 2013 hoda źmianialisia suadnosiny siaredniaha zarobku pa horadzie i siaredniaj cany kvadratnaha mietra, a taksama praanalizavali, pad jakija pracenty ŭ roznyja pieryjady vydavali kredyty na kuplu nieruchomaści.
Jak vyśvietliłasia, samyja tannyja kvadratnyja mietry ŭ stalicy byli ŭ 2016 hodzie.
Ciaredniaja cana «kvadrata» tady składała $1100—1120 u ekvivalencie. Ekśpierty nazyvajuć toj pieryjad «cenavym dnom». Praŭda, i siaredni zarobak 10 hadoŭ tamu składaŭ $510—520. U vyniku jaho nie chapała navat na pałovu kvadratnaha mietra! Pry hetym staŭki pa kredytach amal dasiahnuli 30% hadavych. Horšaja situacyja była tolki ŭ 2015 hodzie: tady na zarobak možna było kupić usiaho 0,43 kv. m.
A voś najbolš dastupnym žyllo ŭ stalicy było ŭ 2022 hodzie.
Tady siaredniaha zarobku ($875—880) chapała na kuplu 0,69 kv. m pry siaredniaj canie $1270 za kvadratny mietr. Praŭda, byŭ adzin niuans: kredyty zastavalisia davoli darahimi — 22% hadavych. Tamu, kali ŭličvać usie try faktary, najlepšym časam staŭ niadaŭni 2024 hod: siaredni zarobak składaŭ $930, cana kvadratnaha mietra — kala $1500, a staŭka pa kredytach — 15% hadavych.
A što ciapier? Kvatery ŭ Minsku kaštujuć udvaja daražej, čym u 2016 hodzie.
Siaredniaja cana kvadratnaha mietra — $2200, a siaredni zarobak — $1400. U vyniku na jaho možna kupić 0,65 kv. m. Heta bolš, čym u hod «cenavaha dna». Dy i kredyty prapanujuć na davoli pryvabnych umovach — pad 15—16% hadavych.
Adnak jość važny sihnał, jaki śviedčyć pra toje, što dastupnaść kvater pačynaje źnižacca: ceny na kvadratnyja mietry rastuć chutčej, čym dachody hramadzian. Heta ŭžo adbiłasia na kolkaści ździełak.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek2
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary