«Mnie prapanoŭvali treniravać nacyjanalnuju kamandu, — kaža Jaŭhien Hutarovič i zaznačaje, što praca ŭ taksi jamu padabajecca. — Ja absalutna nie skardžusia, mnie vielmi padabajecca hetaja prafiesija».
Pieramožca etapu «Vuelta Ispanii» 2010 hoda, udzielnik «Tur de Frans» i «Džyra dJItalija», čatyrochrazovy čempijon respubliki Jaŭhien Hutarovič raskazaŭ, jak jamu pracujecca ŭ taksi, piša kp.by.
«Mnie prapanoŭvali treniravać nacyjanalnuju kamandu. Natalla Valerjeŭna Cylinskaja (šmatrazovaja čempijonka śvietu, siońnia kiraŭnica Biełaruskaj asacyjacyi viełasipiednaha sportu. — NN) vielmi chacieła ŭziać mianie da siabie. Ale ŭ mianie troje dziaciej, my z kožnym dniom stanovimsia starejšymi, tamu siamju treba zabiaśpiečvać. U vyniku ja vybraŭ taksi», — raskazaŭ jon u intervju sport5.by.
Zrešty, upieršyniu jon pačaŭ vychodzić na liniju ŭ volny ad pracy čas jašče tady, kali pracavaŭ trenieram. Ciapier ža, jak vyśvietliłasia, Jaŭhien pracuje na biznes-taryfie.
«Jezdžu z kamfortam na ŭłasnym aŭtamabili. Ja absalutna nie skardžusia, mnie vielmi padabajecca hetaja prafiesija».
Hutarovič taksama raskazaŭ pra typovych pasažyraŭ.
«Tut mašynu, jak praviła, zakazvajuć užo bolš-mienš zamožnyja ludzi. Na siońnia ja vykanaŭ kala piaci tysiač zakazaŭ. I na palcach možna pieraličyć ludziej, jakija byli, skažam tak, nie zusim kamfortnymi pasažyrami. Usie absalutna adekvatnyja. I našy biełarusy, i rasijanie, i šmat turkaŭ, i kitajcy — absalutna cudoŭnyja ludzi.
Jak akazałasia, ja padvožu vielmi šmat znajomych, a taksama sustrakaju niamała cikavych ludziej, ź jakimi pryjemna pahutaryć. Jak praviła, heta ŭładalniki biznesu, kiraŭniki, heta značyć ludzi, jakija ŭžo dasiahnuli pośpiechu ŭ svaich halinach», — raskazaŭ spartsmien.
Kiroŭca sa spartyŭnymi dasiahnieńniami taksama adkazaŭ na pytańnie, ci lubiać jaho pasažyry razmaŭlać. Šmat u čym tut usio zaležyć ad palityki servisu.
«Kiroŭca na biznes-taryfie sam pieršym razmovu nie pačynaje. Ludzi byvajuć absalutna roznyja. Jość tyja, kamu treba prosta dajechać da miesca, i ŭsio. Vielmi časta ludzi vyrašajuć pa telefonie niejkija svaje biznes-pytańni. Zrazumieła, u hety momant ź imi nie razmaŭlaješ. A tracina pasažyraŭ, jakich ja padvožu, — vielmi kamunikabielnyja i cikavyja ludzi», — raskazvaje Jaŭhien Hutarovič.
Jon dadaje, što časam klijenty navat pytajucca, ci možna prajechać jašče adno koła ŭ jaho kampanii.
-
Biełarus z prablemami ź psichikaj staŭ u Rasii naminalnym dyrektaram. A jak sprava nakryłasia, zabrali na front — u adzin kaniec
-
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
-
«Kibierpartyzany» i hrupa Silent Crow zajavili pra ŭzłom Rasstata i atrymańnie danych pra vajennyja straty
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary