Bien Aflek i jaho naparnik vyjhrali miljon dalaraŭ u hulni «Chto choča stać miljanieram?»
A vy zmožacie adkazać na hetyja pytańni?
Amierykanski akcior Ben Aflek i zaŭziaty ŭdzielnik intelektualnych viktaryn Džejmi Dzinh vyjhrali miljon dalaraŭ u šou «Chto choča stać miljanieram?», piša telehram-kanał «Sorak try».
Udzielnikami apošniaha vypusku šou «Chto choča stać miljanieram?» na telekanale ABC stali akcior Ben Aflek i šmatrazovy pieramožca inšaj televiktaryny — Jeopardy! (na prastorach SND jaje anałah «Svaja hulnia») — Džejmi Dzinh.
Na šlachu da miljona jany, u pryvatnaści, adkazali na takoje pytańnie:
Jakoje dasiahnieńnie było ździejśniena ŭsiaho praz dva miesiacy paśla taho, jak u The New York Times napisali, što heta nie adbudziecca jašče niekalki miljonaŭ hadoŭ?
Voś varyjanty adkazu:
- A. Pieršy palot samalota
- B. Rasščapleńnie atama
- C. Kłanavańnie mlekakormiačaha
- D. Vakcyna suprać polijamijelitu
- Pravilny adkaz: A.
Finalnaje pytańnie było jašče bolš składanym i datyčyłasia štohadovaj tradycyi Dnia padziaki, pavodle jakoj prezident ZŠA doryć pamiłavańnie dźvium indykam, paśla čaho ich užo nikoli nie ŭžyvajuć u ježu.
Pavodle hetaj ža tradycyi pamiłavanym indykam prydumlajuć žartoŭnyja pary imionaŭ. U pytańni na miljon Benu Afleku i Džejmi Dynhu treba było adhadać, indyki ź jakimi imionami nikoli nie atrymlivali prezidenckaha pamiłavańnia.
Paśla karotkich vahańniaŭ i vykarystańnia padkazki «zvanok siabru» ŭdzielniki vybrali varyjant «Spahieci i Mitboł» i akazałasia, što mieli racyju.
Paśla pieramohi jany abviaścili, što pieradaduć vyjhranyja hrošy ŭ fond, zasnavany Benam Aflekam, jaki dapamahaje žycharam uschodniaj častki Demakratyčnaj Respubliki Konha.
Stała viadomaja asoba rabočaha «Biełaruśkalija», jaki zahinuŭ pry abrušeńni hornaj parody1
Kamientary
[Zredahavana]
Słov nie chvatajet matiernych. U nas každyj hod na rabotie nojut sobirajut dieńhi na nieimuŝim dietiam v amierikanskich škołach, riukzaki, fłomastiery itp. A etot konho pomahajet.
[Zredahavana]