Бен Афлек і яго напарнік выйгралі мільён даляраў у гульні «Хто хоча стаць мільянерам?»
А вы зможаце адказаць на гэтыя пытанні?
Амерыканскі акцёр Бэн Афлек і заўзяты ўдзельнік інтэлектуальных віктарын Джэймі Дзінг выйгралі мільён даляраў у шоу «Хто хоча стаць мільянерам?», піша тэлеграм-канал «Сорак тры».
Удзельнікамі апошняга выпуску шоу «Хто хоча стаць мільянерам?» на тэлеканале ABC сталі акцёр Бэн Афлек і шматразовы пераможца іншай тэлевіктарыны — Jeopardy! (на прасторах СНД яе аналаг «Свая гульня») — Джэймі Дзінг.
На шляху да мільёна яны, у прыватнасці, адказалі на такое пытанне:
Якое дасягненне было здзейснена ўсяго праз два месяцы пасля таго, як у The New York Times напісалі, што гэта не адбудзецца яшчэ некалькі мільёнаў гадоў?
Вось варыянты адказу:
- А. Першы палёт самалёта
- B. Расшчапленне атама
- C. Кланаванне млекакормячага
- D. Вакцына супраць поліяміеліту
- Правільны адказ: А.
Фінальнае пытанне было яшчэ больш складаным і датычылася штогадовай традыцыі Дня падзякі, паводле якой прэзідэнт ЗША дорыць памілаванне дзвюм індыкам, пасля чаго іх ужо ніколі не ўжываюць у ежу.
Паводле гэтай жа традыцыі памілаваным індыкам прыдумляюць жартоўныя пары імёнаў. У пытанні на мільён Бэну Афлеку і Джэймі Дынгу трэба было адгадаць, індыкі з якімі імёнамі ніколі не атрымлівалі прэзідэнцкага памілавання.
Пасля кароткіх ваганняў і выкарыстання падказкі «званок сябру» ўдзельнікі выбралі варыянт «Спагеці і Мітбол» і аказалася, што мелі рацыю.
Пасля перамогі яны абвясцілі, што перададуць выйграныя грошы ў фонд, заснаваны Бэнам Афлекам, які дапамагае жыхарам усходняй часткі Дэмакратычнай Рэспублікі Конга.
Латвія «па тэхнічных прычынах» закрыла мяжу з Беларуссю12
Каментары
[Зрэдагавана]
Слов не хватает матерных. У нас каждый год на работе ноют собирают деньги на неимущим детям в американских школах, рюкзаки, фломастеры итп. А этот конго помагает.
[Зрэдагавана]