ZŠA paprasili Ukrainu nie bić pa Rasii, pakul tam dyrektar CRU. Jaho samalot užo vylecieŭ z Maskvy
Jak paviedamlaje vydańnie Axios, ZŠA paprasili Ukrainu časova nie nanosić udaraŭ pa terytoryi Rasii, pakul u Maskvie znachodzicca dyrektar CRU Džon Retklif.
Pavodle krynicy vydańnia, znajomaj ź situacyjaj, pierad vizitam Retklifa amierykanski bok paviedamiŭ Ukrainie pra pryjezd u Maskvu vysokapastaŭlenaj delehacyi i paprasiŭ prypynić udary da jaje adjezdu.
Vizit Retklifa staŭ pieršaj pajezdkaj kiraŭnika CRU ŭ Rasiju paśla jaho pryznačeńnia i pieršym vizitam pradstaŭnika administracyi Donalda Trampa takoha vysokaha ŭzroŭniu ŭ Rasiju sa studzienia. Pra jaho pryjezd raniej paviedamlaŭ telekanał CBS. U Maskvie zaŭvažyli amierykanski vajskova-transpartny samalot Boeing C-17A i kartež amierykanskich dypłamataŭ.
Apošni raz kiraŭnik CRU asabista naviedvaŭ Rasiju ŭ listapadzie 2021 hoda. Tady Uiljam Biorns pryjazdžaŭ u Maskvu, kab papiaredzić rasijskaje kiraŭnictva, što ZŠA viedajuć pra padrychtoŭku šyrokamaštabnaha ŭvarvańnia va Ukrainu.
Ciapierašni vizit Retklifa adbyvajecca na fonie sprob administracyi Trampa vyśvietlić mahčymaść adnaŭleńnia mirnych pieramoŭ pamiž Ukrainaj i Rasijaj. Dziaržsakratar ZŠA Marka Rubia raniej zajaŭlaŭ pra namier aktyvizavać takija namahańni ŭ najbližejšyja tydni.
Pry hetym paviedamleńni pra mahčymy vizit śpiecpradstaŭnikoŭ Trampa Styva Uitkafa i Džareda Kušniera ŭ Kijeŭ padčas śviatkavańnia Dnia niezaležnaści Ukrainy nie paćvierdzilisia.
Miž tym stała viadoma, što vajskova-transpartny samalot VPS ZŠA Boeing C-17 Globemaster III, na jakim Džon Retklif prybyŭ u Rasiju, užo vylecieŭ z Maskvy. Pra heta śviedčać danyja Flightradar24.
Ciapier čytajuć
Biełaruska raspačała čelendž «40 spatkańniaŭ», ale ŭžo na siaredzinie nie chavaje rasčaravańnia ŭ mužčynach52
Kamientary