Biełaruskaja top-madel vyjšła zamuž za šamana — ciapier vučyć hipnaarhazmam
U 2015‑m biełaruska Valery Vivjer spaborničała za tytuł «Top-madeli śvietu», a paźniej sabrała sotni tysiač padpisčykaŭ u svaim instahramie. Ciapier dziaŭčynu nie paznać — zamiest fota z tusovak jana chvalicca telekinezam i suviaźziu ź jehipieckimi bahami.
Valery Vivjer, jana ž Volha Bołdyrava, naradziłasia ŭ Hrodnie i skončyła minski Linhvistyčny. U pačatku 2010‑ch dziaŭčyna zaviała sabie błoh u instahramie, dzie vykładała zdymki z padarožžaŭ, kvietki i ŭłasnyja foty ŭ adkrytym adzieńni.
Asabliva pra dziaŭčynu zahavaryli ŭ 2015-m, kali jana paŭdzielničała ŭ konkursie «Top-madel śvietu» i vyjhrała ŭ naminacyi «Karaleva Jeŭropy». Paśla hetaha akaŭnt Volhi-Valery staŭ značna bolš papularny — u nastupnyja hady kolkaść padpisčykaŭ pieralatała za 600 tysiač čałaviek. Miarkujučy pa zdymkach u błohu, tady, u 2010-ja, jana była siabroŭkaj śpievaka Hiermana Citova.
Jašče da 2020‑ha Valery pačała naviedvać Aziju, asabliva joj spadabałasia na vostravie Bali. U 2018‑m biełaruska zhadała ŭdzieł u vipasanie — retrycie, dzie treba dziesiać dzion maŭčać, zajmacca miedytacyjaj i admovicca ad hadžetaŭ. U 2019‑m Valery ŭžo chadziła na sustrečy z šamanami.
Ale sapraŭdy jaje źmianiŭ 2020-y. U tym hodzie jana aktyŭna ŭdzielničała ŭ duchoŭnych treninhach i sieminarach, sustreła kachanaha i naradziła dačku. Na svaim sajcie Valery piša, što była zamužam za šamanam i naradziła ad jaho dačku Ajavasku.
Cikava, jakoje imia jana abrała dla dziaŭčynki. Ajavaska, ci ajaŭaska — heta raślinny napoj, jaki vykarystoŭvajuć indziejcy, kab naładžvać «kantakt z duchami», toj napoj maje halucynahienny efiekt.
Zrešty, u žyćci samoj Valery ciapier šmat inšych cikavostak. Raniej jana pravodziła šmat času na Bali, ale ŭ listapadzie 2025‑ha napisała ŭ svaim telehram-kanale, što pierajechała ŭ Rasiju. Jaje ciapierašni biznes, tak zvany «dom Majtrei», taksama maje rasijskuju rehistracyju. Pry hetym Valery dahetul pryjazdžaje na Bali.
Darečy, Majtreja — heta duchoŭnaje imia, jakoje ciapier nosić biełaruska. Heta imia budučaha Budy, fihury miesijanskaha maštabu, to-bok nie samy ścipły psieŭdanim z mahčymych.
Na sajcie «doma Majtrei» Valery piša, što maje asablivyja suviazi sa staražytnajehipieckimi bahami i viadomymi duchoŭnymi nastaŭnikami minułaha.
«Atrymała enierhietyčnyja piačatki jehipieckaha panteonu: Amon Ra, Asirysa, Isidy, Hora, Siechmiet, Chator. Atrymała enierhietyčnyja piačatki Amy, Sai Baby, Šry Ramana Macharšy, Ašo. Pracuje ź siefiratyčnaj i runičnaj mahijaj».
Taksama biełaruska kaža, što vałodaje mietadami mahii, źviazanaj z kabałoj i sa skandynaŭskimi runami. U dadatak, piša Valery, jana vałodaje ekstrasensorykaj i telekinezam, to-bok ruchaje pradmiety siłaj dumki.
Svaimi talentami Valery dzielicca ź inšymi. Jana piša na sajcie, što za ŭvieś čas praź jaje prajšli bolš za tysiaču klijentaŭ, ale kali chočacca da ich dałučycca, moža spatrebicca vialikaja suma.
Naprykład, u Valery jość prahrama pad nazvaj «28 dzion seksualnaści i hrošaj». Samy tanny ŭdzieł u joj kaštuje amal 300 jeŭra. Jość jašče hukavaja terapija — mabyć, Valery maje na ŭvazie tybieckuju praktyku śpiavajučych čašaŭ.
Našmat daražej kaštujuć tantryčnyja praktyki, jakim vučyć Majtreja. Valery piša pra siabie, što skončyła ŭniviersitet tantry i praviała dva hady ŭ celibacie, kab asvoić staražytnyja praktyki pa kiravańni seksualnaj enierhijaj. Jana pryznajecca, što jaje śpiecyjalizacyja — navučańnie «enierhietyčnamu seksu, enierhachvali i kinastetycy (kiravańniu dotykam)».
Biełaruska navat prapanuje čatyry siesii pad nazvaj «U vir z hałavoj», dzie daje samyja zakrytyja techniki tantry «dla tych, chto hatovy zazirnuć u charomy svajoj seksualnaści». Kaštuje heta amal 3000 jeŭra.
Dadatkova Majtreja hatovaja navučyć hipnaarhazmam z dapamohaj prafiesijnaha hipnatyziora.
«Naša Niva» — bastyjon biełaruščyny
PADTRYMAĆNazad da ručki i zabarona na smartfony: univiersitety vymušanyja źmianiać farmat zaniatkaŭ i kantrolnych, inakš ŠI nie daje ni vučyć, ni pravieryć
NASA paśpiachova zapuściła kaśmičny teleskop Roman, jaki moža adkryć novuju eru ŭ daśledavańni Suśvietu
Z centra horada prybrali dyzielnyja aŭtamabili. Praź niekalki hadoŭ u dziaciej stali zdaraviejšyja lohkija
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary